Firuz Mustafa: 

Teatrlara nə lazımdır?

Teatr və tamaşalarla bağlı yazımın müəyyən rezonans verməyinin şahidi olldum.

Dediklərimə yekun olaraq nəyi əlavə edə bilərəm?

Belə hesab edirəm ki, teatrlarda reforma olmalıdır. İlin əvvəlində müqavilə bağlayıb, ilin sonunda kiminsə kefi istəyərsə müqaviləyə xitam vermək, hələ “reforma” deyil.

İlk növbədə teatrlarda konkurensiya (rəqabət) prinsipi nəzərə alınmalıdır. Əgər rəqabət yoxdursa, inkişaf da yoxdur. Bəndəniz uzun illər professional fəlsəfə ilə məşğul olan bir mütəxəssis kimi deyə bilər ki, səmərəli ziddiyyət, başqa sözlə sağlam rəqabət, bir başqa sözlə uğurlu seçim yoxsa heç vaxt yaxşı nəticədən danışmaq olmaz.

Bəs bunlar varmı?

Bizdəki az qala bütün teatrlar “bir rejissorun teatrı” kimi fəaliyyət göstərir. Və müşahidə onu da göstərir ki, guya “rəqabət” prinsipinə əməl etmək istəyənlər də var. Əslində isə, belə deyil, bu “təcrübəli” adamlar, yəni teatr rəhbərləri özlərindən daha zəif personaları irəli çəkirlər ki, özləri “nəhəng” görünsünlər.

Teatra gəncləri dəvət etmək lazımdır.

Müstəqil teatrların inkişafına şərait yaratmaq gərəkdir.

Dövlət, teatrlar üçün əbədi “donor” rolunu oynamamalıdır, əksinə, teatrlar dövlətin büdcəsini zənginləşdirməlidir.

Və nəhayət. Bir çox bəsit düşüncəli adamlar bu və ya digər sahələrlə, lap elə tearla bağlı problemləri qaldıranları az qala 30-cu illərdəki kimi “burjua dəyirmanına su tökməkdə” ittiham edirlər. Ola bilər ki, doğrudan da kimlərsə kimlərinsə əli ilə kimlərisə “vurmağa” da cəhd edə bilər. Təbii ki, bu deyilənlərin heç biri mənə aid deyil. Bilənlər bilir, mən həmişə öz sözümü deməyə çalışıram.

Mənim istəyim tearların inkişafını təqdir etməkdir.

Təbii ki, burada müəyyən obyektiv və subyektiv amillər də var. Belə ki, iddia etdiyim reforma həyata keçirilərsə, rəqabət prinsipi reallaşarsa daha qüvvətli əsərlərin meydana gəlması qaçılmaz olar.

* * *

Xanməmməd Xanızadə

Teatrlara lazım olan şeylər:

1. Yazarlar yox ;

2. Aktyorların istedadı yox ;

3. Maaş yox;

4. Rejisorlar yox;

5.Dava-qırğın super.

Irada Zarganaeva

İşi bilənə tapşırmaq lazımdır ki, irəli getsin, inkişaf olsun, intriqalara vaxt və ehtiyac qalmasın

Isgəndər Allahverən

Çox əhatəli və professional yazılmış məruzədir!Qalır müvafiq qurumların və şəxslərin çıxaracağı məntiqi nəticənin reallaşması!

Nisə Cavanşir

Təşəkkürlər,Firuz müəllim! Çox əhatəli və geniş təhlildir. Heç kim unudulmayıb.Məmnuniyyətlə oxudum.

Arzu Qaziyeva

Qocaman, işləmək potensialı hələ qalan aktyorlar niyə getsinlər ki? Cavanlar da olmalıdır, amma qocamanların yerinə yox.

Kemale Mikayilzade

Firuz Mustafa Bu günün dəbi İlqar Fəhmidir)) Görəsən İlqar Fəhmi belə bir təhlil vermək gücündədir? Ümumiyyətlə,mənə belə gəlir ki, belə dövrlər çox olub. Vaxt varıydı yalnız İlyas Əfəndiyevə müraciət olunurdu.

Азим Джабаров

Kemale Mikayilzade Mənim Firuz Mustafadan fərqli olaraq İlqar Fəhmi ilə şəxsi tanışlığım olmasa da, çıxışları və bəzi əsərləri ilə tanış olduğum üçün təhlil qabiliyyətinə heç bir şübhəm yoxdur.Mənə elə gəlir ki, o ictimai həyatda çox elə fəal deyil.Müraciər etsələr fikrini bildirər.

Азим Джабаров

Məncə teatrları idarə edənlər özlərini müəyyən çərçivədə hiss edirlər.Nə olar, nə olmaz , bunları daha yaxşı bilirlər.Baləlinin biz sözü var idi.Dedi istənilən universitetdə dekan işləyə bilərəm.Bu sözlərdə dərin məna var.Bir məşhur sovet filmi var.Adı Ailə vəziyyətinə görədir.Orada Yevstiqneyevlə Roolan Bıkovun çox gözə dialoqu var.Rollan Bıkov loqoped olur, smma özü hərfləri düzgün tələffüs etmir.Çox ibrətamizdir.Bu gün şərti desək, loqopedlərin əlində qalmışıq.

QEYD. Başlıqlar "Facebook" sosial şəbəkəsindəki başlıqla eynilik təşkil edir.