Bəybala Mirzəyev: 

Terror sponsorunu Bakıya gətirən şüurlu seçim...

Maraqlı detala fikir verin, bu gün Azərbaycana qənim kəsilən Ruben Vardanyanı azərbaycanlı zərərçəkənlər yox, məhz onun öz soyundan (daha doğrusu, öz qəbiləsindən) olan şəxs ifşa edir. Qarabağda yaşayan erməniəsilli şəxs - Hayrapetyan Kamo Eduardoviç şahid qismində ifadə verərək Vardanyanın paxırlarını bircə-bircə açıb ortaya qoyur.

Bu, sıradan bir hadisə deyil. Erməni separatçılığının, erməni terrorçuluğunun başında duran şəxslər öz ermənilərinin əli ilə, ifadəsi ilə vurulur, zərərsizləşdirilir.

Biz bu cür uğurlu taktika ilə bütün erməni terrorçularını və separatçılarını fakt qarşısında qoyub, divara dirəyə bilərik. Beləliklə, erməni terrorizmini bitirmək üçün əlimizə unikal fürsət düşüb.

Həmçinin, bizim sayəmizdə dünya birliyi də indiyə qədər Qərbdə sivil erməni kimi, kübar erməni kimi təqdim edilən Ruben Vardanyanın simasında sadəcə peşəkar maliyyə fırıldaqçısını deyil, həm də terrorizmin ən təhlükəli sponsorlarından birini tanımalıdır.

Vaxtilə Ukrayna separatçılarını maliyyələşdirən Ruben Vardanyan 44 günlük İkinci Qarabağ müharibəsindən sonra isə Azərbaycanın Xankəndi, Xocavənd, Əsgəran kimi ərazilərində də həm muzdlu silahlı dəstələr formalaşdırıb, həm də hərbi silah-sursat anbarları yaradıb.

Kamo Hayrapetyan bütün bu cinayətkar əməlləri real faktlarla, dəlillərlə sübut edir. Çünki onun özü də R.Vardanyanın Qarabağda yaratdığı muzdlu hərbi dəstələrdən birinin üzvü olub. Ona görə də bu gün Bakı Hərbi Məhkəməsində kimlərinsə ağzından eşitdiklərini yox, birbaşa özünün iştirakçısı olduğu prosesləri, öz gözləri ilə gördüklərini açıqlayır.

Bu isə o deməkdir ki, Vardanyan artıq ədalətli cəzadan heç cürə yaxasını qurtara bilməyəcək. Şahidlərin məhkəmədə səsləndirdikləri şok faktlar Vardanyanın ömrünün qalan hissəsini axıra qədər türmədə keçirməsi üçün bəs edər.

Və onu bundan sonra heç bir etiraflar, peşmançılıqlar, tövbələr, göz yaşları da xilas edə bilməz. Çünki onun əli Azərbaycan xalqının qanına batıb.

Bunu da vurğulayaq ki, Vardanyan bu yolu öz ağlı, öz qərarı ilə seçib. Onu kimsə bu yola itələməyib, vadar etməyib. O, şər yuvası olan Moskvadan Qarabağa gələrkən hansı yolu seçdiyini yaxşı bilirdi.

Ruben Karlenoviçin Qarabağda silahlı dəstələri yaratmaqda məqsədi Azərbaycan xalqına və dövlətinə qarşı açıq şəkildə mübarizə aparmaq olub. Bəli, burada söhbət hansısa təsadüfi, ötəri qərardan yox, məhz məqsədli, planlı, şüurlu seçimdən gedir.

Və bu gün Ruben Vardanyan bizə qarşı qatı nifrətinin bədəlini yaşayır.

Vardanyanın aqibəti təkcə ayrı-ayrı erməni separatçılarına, terrorçularına deyil, əslində bütün erməni xalqına dərs olmalıdır. Çünki terrora meyllilik erməni xalqının bətnindən doğur. Erməni xalqı sivil dövlətçiliyə yox, terrorçuluğa indekslənmiş, odaxlanmış etnosdur...

(ardı var)

* * *

Sara Cavadzade

Rubenin məhkəməsi hətta erməni lobbiçiliyini də ciddi zərbələrə məruz qoymalıdır...Hadi bakalım!

Beybala Mirzeyev

Sara Cavadzade, bəli, "Azərbaycanın Nürnberqi" prosesi erməni lobbiçiliyinə də ağır zərbə vuracaq. Dünya erməniçiliyinin ciddi narahatçılığı da elə bundan irəli gəlir.

Beybala Mirzeyev

Sara Cavadzade, bəli, "Azərbaycanın Nürnberqi" prosesi erməni lobbiçiliyinə də ağır zərbə vuracaq. Dünya erməniçiliyinin ciddi narahatçılığı da elə bundan irəli gəlir.

Beybala Mirzeyev

Adalat bəy, təbii ki, onların da adları çəkilir. Ancaq bu ayrı mövzudur. İnşAllah onlara da növbə çatacaq.

QEYD. Başlıqlar "Facebook" sosial şəbəkəsindəki başlıqla eynilik təşkil edir.