Bəybala Mirzəyev: 

Dilimizdən qorxan molla rejimi...

“Heydərbabaya salam” şeirinin gücünə baxın...

Ötən həftə İranda mədəniyyət həftəsi keçirildi. Təbrizdə keçirilən mədəniyyət həftəsinin bağlanış mərasimində İran prezidenti Məsud Pezeşkian da iştirak edirdi. O, başa düşürdü ki, təbrizlilərin qarşısında çıxış edərkən ana dilində -Azərbaycan türkcəsində danışmamaq və mədəniyyət həftəsində ustad Şəhriyarı xatırla(t)mamaq böyük günah olar.

Elə bu anlayışla da Pezeşkian Məhəmmədhüseyn Şəhriyarın məşhur “Heydərbabaya salam” şeirini ucadan deməyə başladı. Lakin o, həmin şeirdən cəmi iki bəndi səsləndirməyə macal tapdı. Ardını söyləməyə imkan vermədilər. Çünki molla rejiminin məmurlarından biri səhnəyə qalxıb, kürsüyə yaxınlaşdı və Pezeşkiana nəsə dedi. Bu, çox böyük ehtimalla "Heydərbabaya salam"ın zalda yaratdığı canlanmadan narahat olan rejim tərəfindən Pezeşkiana xəbərdarlıq idi. Nəticə etibarilə, Pezeşkian şeiri yarıda qoymaq məcburiyyətində qaldı.

Beləliklə, bir daha hər kəs gördü ki, molla rejimi hətta Azərbaycan türkcəsində şeir səsləndirilməsinə belə dözmür.

Əcaba, bu, nəyin qorxusudur?

Panfarsçılıq niyə bu qədər amiranəlik əldə edib ki, hətta Prezidentə belə öz ana dilində şeir oxumağa imkan verilmir?

Və molla rejimi Güney azərbaycanlılara öz ana dillərində danışmağı daha nə qədər yasaqlaya biləcək?

Bu sualları sözsüz ki, güneyli soydaşlarımız özləri cavablandırmalıdır.

Molla rejiminin qeyri-farslara qarşı bu cür irqçi-faşist münasibəti uzun müddət davam edə bilməz!

* * *

Zəfər Vahidov

Men de baxdım kadrlara.Axıra kimi demeli idi şeiri.Özünü pis veziyyete saldı.Prezidentin sözünü kesmek ne demekdi.

Eldeniz Şamlı Abbaslı

Şeiri yarımçıq kəsməsi ilə prezident kimi kəsəri olmadığını göstərir. Məmur kimdir ki, prezidentə nə etməli olduğunu əmr etsin.

Beybala Mirzeyev

Eldeniz Şamlı Abbaslı, əslində, o məmur da buyuruq quludur. Xameneinin iradəsini icra edib. Bu olay Pezeşkianın imicinə çox ağır zərbə vurdu.

Həmidə Cavanşir

Əgər prezident belə bunların qabağında dayana bilmirsə, öz sözünü deyə bilmirsə güneyilərin durumunu anlamaq o qədər də çətin olmur. Nə deyəsən.

Qızınmadıq istisinə, kor olduq tüstüsünə

Beybala Mirzeyev

Həmidə Cavanşir, bu onu göstərir ki, İranda prezidentlik institutu həqiqətən də formal bir şeydir. Yəni ki, orada əsas söz sahibi prezident yox, ali dini liderdir. Pezeşkianı isə bir azərbaycanlı siyasətçi kimi ona görə prezident postuna gətiriblər ki, Güney azərbaycanlıları bu yolla sakitləşdirsinlər. Pezeşkian isə bu cür müqəvva-prezident roluna daha nə qədər dözəcək, onu bilmirəm.

Ali Musayev

Pezəşkian da o rejimin adamıdır, əks halda onu hakimiyyətə gətirməzdilər, Türkləri sakitləşdirmək üçün onu seçdilər, o İranın xarici, daxili siyasətində heç nəyi həll etmir!!! Əgər Prezidenti, bir şeiri belə deməyə qoymurlarsa, o kukladır, Prezident deyil!!!

Sara Asgar

Yazıq güneyli milletimiz daha neçe esr fars şovinizmin esaretinde qalacaqlar, daha bilmirem neçe esr fars şovinstler Azerbaycan dilinin qüdretinin qorxusundan geceler yuxularında sersemleyecekler, daha neçe esr Azerbaycan dilli milletimizin övladları fars dilinde mekteblerde ders oxuyacaqlar, daha ne qeder fars nökerleri molla rejimi milletimizi istismar edecekler..!

Ay'Sel Camallı 

Hər şey bir yana ,ordakıların prezidentin danışığına müdaxilə etmək hüquqları var?

Farslar nə tez qorxuya düşdü,xəbərdarlıq etdilər tez.

QEYD. Başlıqlar "Facebook" sosial şəbəkəsindəki başlıqla eynilik təşkil edir.