Bəybala Mirzəyev: 

Moskva Tehranda "Rus evi" adı altında yeni cəsus yuvası açır

Şimal və cənub qonşularımızın "qardaş"lığı gün-gündən daha da güclənir, genişlənir.

Kreml Tehranın mərkəzində rus-fars "qardaşlığ"ının möhkəmləndirilməsi üçün yeni "yuva" açmağa hazırlaşır.

Belə ki, Rusiya Beynəlxalq Humanitar Əməkdaşlıq Mərkəzi (“Rossotrudniçestvo”) 2026-cı ilə qədər İranda “Rus Evi” açacağını açıqlayıb.

Bununla bağlı yayılan rəsmi məlumatda bildirilib ki, “Tehranda Rus Mədəniyyət Mərkəzinin açılması ilə bağlı praktiki məsələlərin işlənib hazırlanmasına başlanılıb”.

Məlumatda o da qeyd olunub ki, "Rus Evi"nin açılması vətəndaşların rus dilini öyrənmək ehtiyacını ödəyəcək və Rusiyanın Tehranda mədəni və humanitar mövcudluğunu genişləndirəcək.

Beləliklə, Kreml İranda rus dilinin öyrədilməsi adı altında ilk növbədə "beşinci kolon"un formalaşdırılmasını hədəfləyir. Bu isə öz növbəsində casus şəbəkəsi üçün münbit zəmin yaradır. Sözügedən şəbəkəyə heç şübhəsiz ki, Güney azərbaycanlıları da cəlb etməyə çalışacaqlar. Başqa sözlə desək, rus-fars işbirliyi bundan sonra daha məkrli xarakter alacaq.

P.S.

Rusiya-İran hərtərəfli müttəfiqlik sazişinin imzalanması perspektivdə həm də Güney azərbaycanlıların müstəqillik arzusunun boğulmasına hesablanıb. Bütöv və Böyük Azərbaycan Moskvanın da, Tehranın da ən qorxulu röyasıdır.

* * *

Nargiz Nargiz

XX əsrin əvvəlində də Qacarlar hakimiyyəti rus kazaklarını dəvət edib Səttar xan milli-azadlıq hərəkatını boğdu.

Beybala Mirzeyev

Təəssüf ki, Qacarlar həmin vaxt milli şüurlarını itirib, yalnız öz taxt-taclarını qorumaq haqqında düşünürdülər.

Həmidə Cavanşir

Bunlara Qriboyedovun öldürülməsi dərs olmayıb da))

Sonucu yazdığınıza tam ayrı qatılıram. Belə ki, Stalin İranın baş naziri Əhməd Qəvvam ilə müqavilədən sonra Azərbaycan Milli Hökümətinin süqutu bir addım da yaxınlaşdı.

Beybala Mirzeyev

Gorbagor Stalin faktiki olaraq Pişəvəri hökumətini ingilis-amerikan imperializminə qurban verdi.

QEYD. Başlıqlar "Facebook" sosial şəbəkəsindəki başlıqla eynilik təşkil edir.