Los-Ancelesi yandırmaqda şübhəli bilinən bir nəfər həbs edildi

Los-Ancelesin West Hills bölgəsində meşəni yandırmaqda şübhəli bilinən şəxs həbs edilib.

Kennett yanğını sürətlə yayıldı və 800 hektardan çox ərazini yandırıb..

Yerli sakinlər şübhəli şəxsi görüb və polisə müraciət ediblər. O, 20-30 dəqiqə sonra yanğının episentrindən 5 mil aralıda saxlanılıb. Baş polis zabiti Çarlz Dinselin sözlərinə görə, adam yanğın törətmək istəyərkən yaxalanıb.

Kennett yanğını Los-Anceles bölgəsində artıq 30.000 akr ərazini yandıran beş böyük meşə yanğınından biridir. Yanğınla mübarizədə minlərlə yanğınsöndürən iştirak edib, o cümlədən Kennettdə 900 personal.

Son məlumatlara görə, bölgədə meşə yanğınları nəticəsində 10 nəfər ölüb. Los- Anceles Tibbi Ekspertiza Bürosu qurbanların şəxsiyyətini müəyyənləşdirməyə davam edir. Güclü küləklər və aşağı rütubət Los-Anceles dairəsində hər kəsi risk altında qoyur, yanğın rəsmiləri bildirib. Yanğının söndürülməsində min yarıma yaxın yanğınsöndürən iştirak edir, on minlərlə sakin artıq təxliyə edilib. Təxliyə zonasında ümumilikdə 150 ​​min insan yaşayır.

Yanğından zərər çəkənlər arasında Hollivud ulduzları da var. Yanğın zamanı model və otel varisi Paris Hilton, aktrisa Anna Faris, aktyorlar Ben Afflek və Entoni Hopkinsin malikanələri yanıb.