Hizbullah da İsrailə raket hücumu təşkil etdiyini bildirib

Terror təşkilatı Hizbullah da İsrailə raket hücumu təşkil etdiyini bildirib. Onun hədəfinin Tel-Əviv yaxınlığındakı Sde Dov aviabazasının olduğu iddia edilir. Zərbə İsrail hərbi qüvvələrinin “Livanlı mülki şəxslərə qarşı hücumlarına cavab olaraq və Qəzzada Fələstin xalqına dəstək olaraq” həyata keçirilib.

İranın raket hücumu nəticəsində İsraildə iki nəfər yaralanıb. Bu barədə “The Times of Israel” İsrailin milli tibb xidməti Magen David Adom-a istinadən yazır. Qurbanlar Təl-Əvivdəndir və yüngül qəlpə yaraları alıblar.

İsrail ordusu İranın raket hücumunun başa çatdığını elan edib. “Biz kifayət qədər çox müdaxilə etdik. Ölkənin mərkəzində və cənubundakı ərazilərdə çoxlu zərbələr endirilib”, - deyə İDF sözçüsü Daniel Hagari bildirib.

İranın BMT missiyası İsrailə hücumu “qanuni və rasional cavab” adlandırıb. Missiya bildirib ki, İran ordusu “sionist rejimin terror aktlarına” cavab olaraq zərbə endirib. Nümunə kimi İran hakimiyyəti “İran vətəndaşlarına və onun maraqlarına qarşı hücumu”, eləcə də ölkənin “suverenliyinə hücumu” göstərir. İranın BMT-dəki missiyası bildirir ki, İsrail hakimiyyəti atəşə cavab verərsə, “əzici cavab gələcək”.