Almaniya Putinə Rusiya prezidenti deməyəcək

Almaniya Xarici İşlər Nazirliyi bir müddətdir ki, yalnız Putinin soyadından istifadə etdiklərini qeyd edib.

Almaniya Xarici İşlər Nazirliyi (XİN) Vladimir Putini Rusiya prezidenti adlandırmayacaq.

Hökumət sözçüsü Kristiane Hofmann bildirib ki, “Rusiyadakı qondarma seçkilər” “nə azad, nə də ədalətli” olub, Bild yazır. O qeyd edib ki, “nəticə əvvəlcədən bəlli idi və bunlar qeyri-demokratik seçkilərdir”.

Hofman vurğulayıb ki, seçkilər zamanı qorxutma mühiti olub və Rusiya Federasiyasında söz azadlığı yoxdur.

"Rusiya indi diktaturadır və Vladimir Putinin avtoritar idarəçiliyi altındadır", - Hoffman deyib.

Siyasətçi həmçinin Ukraynanın işğal olunmuş ərazilərində səsvermənin keçirilməsini kəskin şəkildə pisləyib.

Xarici İşlər Nazirliyinin sözçüsü Sebastyan Fişer Almaniya hakimiyyətinin Putini “prezident və ya hökmdar” adlandıracağı ilə bağlı suala cavab verib ki, son vaxtlar departament heç bir rəsmi titul olmadan yalnız Putin soyadından istifadə edir.

İran, Çin, Şimali Koreya, Özbəkistan və Venesuela artıq Rusiya diktatoru Vladimir Putini qondarma prezident seçkilərində qazandığı “qələbə” münasibəti ilə təbrik ediblər. Onlar nəticələrin rəsmi açıqlamasını gözləmədilər.

Eyni zamanda Böyük Britaniyanın xarici işlər naziri Devid Kemeron bildirib ki, baş verənlər azad və ədalətli seçkilərə bənzəmir.

Polşa Xarici İşlər Nazirliyi isə bildirib ki, səsvermə cəmiyyətə qarşı sərt repressiyalar fonunda keçirilib və bu, ona azad və demokratik seçim etmək imkanı vermir.