Bollivud ulduzu Dharmendra vəfat edib

Hindistanlı aktyor Dharmendra (əsl adı Dharam Singh Deol) 89 yaşında Mumbayda vəfat edib.

Bollivud veteranı hesab edilən o, 60 illik karyerası ərzində 300-dən çox filmdə rol alıb.

O, 7 noyabrda nəfəs problemləri şikayəti ilə xəstəxanaya yerləşdirilib, lakin bir neçə gün sonra evə buraxılıb.

Dharmendra 8 dekabr 1935-ci ildə Pəncabda anadan olub. Onun ilk böyük uğuru 1958-ci ildə istedad müsabiqəsində qalib gəlməsi olub və bu da onun Bollivuda daxil olmasına səbəb olub. O, ekranda debütünü 1960-cı ildə edib və 1966-cı ildə çəkilmiş "Çiçək və Qaya" filmi ilə şöhrət qazanıb. Onun 1975-ci ildə çəkdiyi "Qisas və Qanun" filmi Bollivud tarixinin ən uğurlu filmlərindən biri hesab olunur.

Uzun film karyerası ərzində Dharmendra demək olar ki, bütün böyük hind rejissorları ilə işləyib. 2012-ci ildə Hindistan kinosuna verdiyi töhfəyə görə Hindistanın üçüncü ən yüksək mülki mükafatı olan Padma Bhuşan mükafatına layiq görülüb.

Aktyor demək olar ki, ölümünə qədər aktyorluq fəaliyyətini davam etdirib. Onun sonuncu filmi "İkki" 25 dekabr 2025-ci ildə nümayiş olunacaq.

Dharmendra aktrisa Hema Malini ilə evli olub. O, daha çox "Zita və Gita" filmindəki rolu ilə tanınır.