20 sentyabr – qürurla xatırlanan tarix 

20 sentyabr Azərbaycan xalqının yaddaşına qürur, sevinc və eyni zamanda dərin mənalarla həkk olunmuş tarixdir. Bu gün biz Xankəndi, Xocalı, Xocavənd və Ağdərə şəhərlərinin işğaldan azad olunmasını qeyd edir, milli dövlətçiliyimizin möhkəmləndiyini bir daha nümayiş etdiririk.
Xankəndi, Xocalı. Xocavənd və Ağdərə sadəcə şəhərlər deyil, Azərbaycan tarixinin, mədəniyyətinin və qəhrəmanlığının simvollarıdır. Bu torpaqların hər qarışı xalqımızın qanı, canı və mübarizliyi bahasına qorunmuş, şəhidlərimizin əziz xatirəsi ilə yoğrulmuşdur. Xocalı soyqırımı qurbanlarının, Vətən uğrunda canından keçən bütün qəhrəmanların ruhu bu gün daha da şaddır.
Bu gün həm də milli-mədəni irsimizin bərpa və dirçəliş günüdür. Çünki Xankəndi, Xocalı Xocavənd və Ağdərə qədim abidələri, zəngin ənənələri və Azərbaycan ruhunu yaşadan dəyərləri ilə bizim milli kimliyimizin ayrılmaz hissəsidir.
Eyni zamanda, 20 sentyabr azad edilmiş torpaqlarda quruculuq və inkişaf dövrünün başlanğıcını simvolizə edir. Bu gün iqtisadiyyatımızın, mədəniyyətimizin və ümumilikdə Qarabağın yenidən dirçəliş mərkəzinə çevrilməkdədir.
20 sentyabr bizim qürur günümüzdür. Bu gün bir daha sübut edir ki, Azərbaycan xalqı heç vaxt haqqından, torpağından və azadlığından geri çəkilməyəcək. Xankəndi, Xocalı, Xocavənd və Ağdərə şəhərlərinin azadlığı dövlətimizin qüdrətinin, xalqımızın iradəsinin və şəhidlərimizin müqəddəs amalının təntənəsidir.
Qoy 20 sentyabr tariximizə qızıl hərflərlə yazılsın!
Qoy azad Xankəndi, azad Xocalı, azad Xocavənd və azad Ağdərə daim Azərbaycan bayrağı altında çiçəklənsin!
Yaşasın müstəqil Azərbaycan!
Yaşasın Qarabağ!

Əntiqə TAĞIYEVA,
Əməkdar mədəniyyət işçisi.