Böyük Zəfərimiz antiterror tədbirlərilə yekunlaşdı
2023-cü ilin 19-20 sentyabr tarixləri Azərbaycan tarixində silinməz iz buraxdı. Bu tarixi gün xalqımızın yaddaşına həmişəlik həkk olundu. Həmin gün Azərbaycan Silahlı Qüvvələri Qarabağda lokal antiterror tədbirləri həyata keçirərək erməni separatçılarının qanunsuz olaraq həyata keçirdikləri silahlı hücumlarına son qoydular. Ordumuzun keçirdiyi əməliyyat cəmi bir gün sürdü və uğurla başa çatdı.Nəticədə Azərbaycanın suverenliyi tam şəkildə bərpa olundu.
Bu əməliyyatın başlanmasına səbəb bölgədə illərdir davam edən təxribatlar, qanunsuz silahlı dəstələrin fəaliyyəti və s. idi. Ermənistanı daima dəstəkləyən separatçı rejm Azərbaycanın sülh bağlamaq üçün göstərdiyi səylərə baxmayaraq,atəşkəsi pozur, təxribatlar törədir, mülki əhalinin həyatını təhlükə altında qoyurdular. Xüsusən də 2023-cü ilin sentyabrında mina partlayışları qəti addımlar atmağı zəruri etdi.
Azərbaycan ordusu yüksək peşəkarlıqla əməliyyata başladı. Ordumuz mülki əhalini hədəfə almadı, yalnız hərbi obyektlər hədəfə alındı. Bu,ordumuzun humanistliyini bir daha sübuta yetirdi. Cəmi bir gün ərzində separatçı silahlı birləşmələr təslim oldu və Qarabağdakı bütün qanunsuz hərbi strukturlar fəaliyyətini dayandırdı.
Əməliyyatın nəticələri tarixi əhəmiyyət daşıyır. İlk növbədə,Azərbaycanın ərazi bütövlüyü tam təmin olundu. 30 ildən artıq davam edən işğal, separatizm, vandallıq və qeyri-qanunu fəaliyyət göstərən silahlı rejimə son qoyuldu və Azərbaycan dövlətinin suverenliyi bütün dünyayda qəbul olundu, eynəlxalq hüquq normaları reallığa çevrildi.
Başqa bir mühüm məqam isə bölgədə yeni sülh imkanlarının yaranmasıdır ki, separatçılıq faktoru aradan qalxdıqdan sonra Ermənistanla sülh sazişinin imzalanması üçün şərait formalaşdı. Bu əməliyyat həm də regionda uzunmüddətli sabitliyin bərqərar olması baxımından mühüm addım idi.
Prezident İlham Əliyevin siyasi iradəsi, ordumuzun gücü və xalqımızın birliyi nəticəsində Azərbaycan Qarabağ məsələsini birdəfəlik həll etdi.
2020-ci il Vətən müharibəsi ilə başlanan qələbə yolu 2023-cü ilin sentyabr antiterror tədbirləri ilə yekunlaşdı.
Bu gün Qarabağda üçrəngli bayrağımız dalğalanır və xalqımız qürurla deyə bilər ki, Qarabağda yalnız Azərbaycan qanunları hökm sürəcək.
Ş.Xəlilova,
Masallı rayonu, S.Xəlilov adına Qızılağac kənd 1 nömrəli tam orta məktəbinin müəllimi
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.