Rusiya qazaxları buraxmır

Qazaxıstanlıların Rusiyaya girişi getdikcə daha çox qadağan edilir. “Ədalət yolu” birliyinin icraçı direktoru Didar Smaqulov belə vəziyyətlə üzləşib.

Onun Facebook sosial şəbəkəsində dediyi kimi, Rusiya ilə sərhəddə FSB sərhədçiləri ona ömürlük ölkəyə girişinə qadağa qoyulduğunu bildiriblər. 

Smaqulov açıq şəkildə Ukraynanı dəstəkləyir: sosial şəbəkələrdə Rusiyanı Ukraynanın işğalçısı adlandırıb, Ukrayna şüarları və bayrağı yerləşdirib. 2024-cü ildə o, ABŞ-nin keçmiş dövlət katibi Entoni Blinkendən Korrupsiyaya Qarşı Mübarizə Mükafatını alıb.

Rusiyaya giriş qadağası məsələsi "Telegram" və "Facebook" sosial şəbəkələrində aktiv şəkildə müzakirə olunur və bununla tək Smaqulov rastlaşmır. Qazaxıstan sakini Yerjan Bateşov bildirib ki, Astanada ona təyyarəyə minməyə icazə verilməyib. Onun sözlərinə görə, reysə qeydiyyat zamanı biletin rəsmiləşdirilməsinə və pulunun ödənilməsinə baxmayaraq, adı sərnişinlər siyahısında olmayıb. “Uçuş xidmətləri üçün bilet kassasına getməyimi istədilər. Orada mənə dedilər ki, mənim Rusiyaya girişimə qadağa qoyulub”, Bətəşov yazır.O, sosial şəbəkələrdə Ukrayna Silahlı Qüvvələrinin Rusiyanın neft obyektlərinə hücumu ilə bağlı videolar yerləşdirib.Qazaxıstanın digər sakini Eliya Axetova isə bildirib ki, ölkəyə girişə 10 il qadağa qoyulduğunu 2022-ci ilin martında sərhəddə rus sərhədçiləri avtomobilə daxil olan zaman öyrənib.

Qazaxların Rusiyaya girişinə qadağa hələ Ukrayna vətəndaşları qədər geniş yayılmayıb. Ukraynalıların Rusiya Federasiyasının ərazisinə daxil olmaq cəhdləri dindirilmələr, sərhəddə hərtərəfli yoxlamalar, eləcə də tez-tez 20 ildən 50 ilədək müddətə rəsmi giriş qadağasının alınması halları ilə müşayiət olunur.