Serj Sarkisyan və Movses Akopyanın Qarabağın işğalında iştirakını ifşa edən kadrlar təqdim olunub

Bu gün Bakı Hərbi Məhkəməsində davam edən prosesdə Xocavənd rayonunun işğalı ilə bağlı daha bir videogörüntülərə baxılıb.

1993-cü ilin aprelində ermənilər tərəfindən lentə alınan videogörüntülərdə o vaxt Ermənistan silahlı qüvvələrinin işğalı altında olan Azərbaycanın Xocavənd rayonunda bir qrup silahlı hərbçi, o cümlədən Serj Sarkisyan (2008-2018-ci illərdə Ermənistanın prezidenti) və hazırda mühakimə olunan təqsirləndirilən David İşxan da var.

Erməni dilində tərcüməsi ilə videogörüntülərə baxıldıqdan sonra Serj Sarkisyanın hərbi hissələrə baxış keçirmək üçün gəldiyi müəyyən edilib.

Videoda Monte Melkonyanın Serj Sarkisyana hesabat verməsi əks olunub. Sarkisyan ona deyir: “Biz indi atəşkəsdən danışmırıq, indi hücum əməliyyatlarından və yeni ərazilərin ələ keçirilməsindən danışırıq.

Videogörüntülərdə daha sonra əraziyə baxış, Serj Sarkisyanın David İşxanyanla söhbəti əks olunub. David İşxanyan ona Ağdam rayonu və Abdal Gülalı kəndi istiqamətində döyüş əməliyyatının gedişi və əməliyyat vəziyyəti barədə məlumat verir.

Videogörüntülərdən daha sonra görünür ki, qoşunların təchizatı məsələləri müzakirə olunur. Sonra Serj Sarkisyan bir müddət hərbçilərlə danışır.

Məhkəmə iclasında təqdim olunan videomaterial əsasında dövlət ittihamçıları təqsirləndirilən David İşxanyana suallar veriblər.

Dövlət ittihamını dəstəkləyən prokurorların suallarını cavablandıran David İşxanyan videonun çəkilişi faktını təsdiqləyib və Serj Sarkisyanın əraziyə səfərinin məqsədini xatırladığını bildirib. O qeyd etdi: “Onlar mənim batalyonuma gəldilər və onun mövqelərindəki vəziyyətlə tanış oldular”.

Təqsirləndirilən şəxs videogörüntülərdə çəkilən bir neçə nəfərin də adını çəkib: "Serj Sarkisyan, Monte Melkonyan, Movses Akopyan (sonralar Ermənistan Silahlı Qüvvələrinin Baş Qərargah rəisi – red.). Həmin vaxt o, Monte Melkonyanın müavini olub. Videoda çəkilən digər şəxs isə mənim qərargah rəisim Aramais Karapetyan olub".

Qeyd edək ki, Ermənistanın hərbi təcavüzü nəticəsində sülhə və bəşəriyyətə qarşı cinayətlər törətməkdə, hərbi cinayətlər, o cümlədən təcavüzkar müharibənin hazırlanması və aparılmasında, soyqırımda, müharibə qanunlarının və adət-ənənələrinin pozulmasında, o cümlədən terrorizmi maliyyələşdirməkdə, terrorizmi maliyyələşdirməkdə, hakimiyyətə sui-qəsd, zorakılıq və digər cinayətlər törətməkdə təqsirləndirilən Ermənistan Respublikası vətəndaşlarının məhkəməsi davam edir.