Yadigar Cəfərli:
Əmin olmasam, o yediyimiz peraşkilərin bərəkəti haqqı, heç qara qəpik də göndərmərəm...
Bir neçə gün əvvəl gördüm tələbə yoldaşlarımdan biri "Teleqram"da yazıb ki, aptekdəyəm, təcili pula ehtiyacım yaranıb, imkanın varsa, köçür, bir azdan qaytaracam.
Aramızdakı qısa dialoqda mesajları o qədər inandırıcı, üslubu o qədər doğma idi ki, dedim, day adam-adama nə gündə gərək, gücüm çatandan göndərim, yəqin, həqiqətən naəlac durumdadır.
Elə balaca bir məbləği qeyd edib əməliyyatı təsdiqləmək üçün sonuncu toxunuşu etmək istəyirdim ki, birdən-birə öz-özümə dedim, ayə, sən neynirsən?! Bəlkə yazan adam o deyil, dələduzdur?!
Tez yazdım ki, köçürməsinə köçürərəm, amma yaxşısı budur, mənə "Vatsap"da da yaz. Dedi, qardaş, narahat olma, mənəm e, 90-cı illərdə “Elmlər” tərəflərdə peraşki yediyin tələbə yoldaşın.
Dedim, qardaş, qəti olmaz, dəqiqləşdirib əmin olmasam, o yediyimiz peraşkilərin bərəkəti haqqı, heç qara qəpik də göndərmərəm.
"Teleqram"dan çıxıb "Vatsap"da özüm tələbə yoldaşıma yazdım, cavab verdi ki, qardaş, mən ümumiyyətlə "Teleqram"dan istifadə eləmirəm, kimdirsə başını tovlamaq istəyir.
Təzədən, "Teleqram"a geri qayıdanda gördüm, aha, hərif bayaqdan mənə yazdığı hesabı da silib, əkilib.
O gün də biri yazıb ki, pul qazanmaq istəyirsənsə, bu linkə daxil olub filmlərə rəy yaz, sənə hər gün 150 dollar köçürək. Cavab olaraq ölüsünün-dirisinin yerin xəbər alanda, bu da tezcə aradan çıxdı.
Dünən xəbər gəldi ki, bir gündə ayrı-ayrı vətəndaşların bank hesablarından müxtəlif kiberüsullarla 67 min manat oğurlanıb. Bu gün də başqa xəbərdə oxuyuram, iki gündə 154 min manat. Hər gün yüzlərlə belə hallar baş verir. Çox sadə məqamları bilib əməl etməklə bu hallardan qorunmaq olar.
Ona görə ABB-nin müvafiq struktur bölmələrində çalışan həmkarlarımla danışıb gündəlik təcrübədə ən çox təsadüf edilən kiberdələduzluq hallarını toplayıb bu məqaləni hazırladıq ki, bəlkə faydası toxuna. Belə hallara qarşı maariflənmədən güclü əlac yoxdur.
* * *
Sevil Gulten
Statusun əvvəlini oxuyanda elə bildim aldanmısınız. Şükür) Sizi aldadanlar gör mənim kimisini necə aldadar?
Yadigar Ceferli
Sevil Gulten xanım, bəzən elə inandırıcı üsullar düşünüb tapırlar ki, adam mat qalır. Ona görə mümkün qədər məlumatlı olmaq, mütləq dəqiqləşdirmələr aparmaq lazımdır.
Tural Suleymanov
Əlavə olaraq Gürcüstan nömrəsi ilə mühafizə qurumlarının adından da zəng vurub guya məlumatlarınızın oğurlandığını söyləyə bilərlər.
Tunzale Xelilova
İş yoldaşım elə aldanıb)) Dedim adam jurnalist, bu cür xəbərlərin içində, bunu necə edə bilər80 manat deyəsən köçürüb. Şöbə müdirinin adından istifadə ediblər. Şöbə müdirinə deyirəm o niyə aldansın axı. Deyir, mənim heç teleqramım yoxdu. Sən düşünmədin ki, bu adam heç vaxt mənə teleqramdan yazmayıb. Bir zəng edim? Deyir, ağlıma gəlmədi)) Deməli, belə bir şeyi izah etdi mənə. Kimsə sənə deyə bilər, hətta burdan da yaza bilər, bu nömrəyə vizov at, etməməlisən. Nömrəni götürür, email açır, kod da emailə gəlir və qeydiyyatdan keçir. Və sən öz nömrənlə qeydiyyatdan keçə bilmirsən. Yaxud teleqramdan sənə jpd şəkil göndərirlər,üstünə tıklayan kimi bank hesabından pul çəkilir. Necə edirlər bilmirəm, qrupda bir xanım yazmışdı ki, yoldaşım şəklə marağın qurbanı oldu)) 1000 manatı getdi)) O gün də mağazada satıcı oğlandan birini eşitdim. Adamın şəxsiyyət vəsiqəsilə 1000 manatını çəkiblər kartından. Deyir, onlayn nəsə kredit almaq istəyirsən, vəsiqəni göndər deyirlər, baxaq sizə düşürmü, elə yolla da olurmuş. Və gələn xarici nömrələri açmamaq.
Tunzale Xelilova
Bilməyənlər üçün qeyd edim. Mobil tətbiqlərdə limitləri azaldın. Onlayn limitləri ABB-də söndürmək olur, yeni versiyada. Digər tətbiqlərdə 1 manat qoymuşam. Həmçinin nağd, posterminal ödənişləri də limitə qoymuşam. Bir dəfə terminalla ödəniş etdikdə ikinci dəfə alınmır, yazılır limit keçib. Mağazada yadımdan çıxıb olub)) tez limiti dəyişirəm. Hamıda, demək olar, mobil internet var. Azaldın limitləri, lazım olan anda dəyişin. Və mən kartı bloka qoyuram. Dünən bank klubu qrupunda biri dedi bloka qoymayın. Bank məlumatları görmür, məsuliyyət daşımır. Onsuz da məsuliyyət daşımır da)) ha belə, ha elə))
QEYD. Başlıqlar "Facebook" sosial şəbəkəsindəki başlıqla eynilik təşkil edir.
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.