DİN kiber talamalar üzrə vəziyyəti AÇIQLADI: Hər bir vətəndaş DİQQƏTLİ OLMALIDIR!

Rəqəmlərin hər biri insanlara kiber təhlükə barədə siqnaldır. Xarici kiber müdaxilələrlə 2024-cü ildə 16804 fakt üzrə vətəndaşlar aldadılaraq bank kartlarından milyon (22.442.838) manatdan artıq vəsait talanıb.

Ötən il ayrı-ayrı vətəndaşların müxtəlif kiber üsul vasitələrlə saxta link-keçidlərlə 1027 fakt üzrə 2.043.896 manat, alış-veriş səhifələrində elana görə zəng edib şəxsi məlumatları əldə etməklə 411 fakt üzrə 1.196.786 manat, özünü bank əməkdaşı kimi təqdim edib şəxsi məlumatları əldə etməklə 290 fakt üzrə 598.048 manat, mobil telefona kibermüdaxilə yolu ilə 185 fakt üzrə 311.728 manat, bankamatdan pul çıxarılmasına kömək adı ilə 178 fakt üzrə 92.630 manat, oğurlanmış və itirilmiş kartdan 307 fakt üzrə 101.398 manat pul vəsaiti onlayn talanmışdır.

İnternet resurslarında vətəndaşları aldatmaqla, lotoreya, qumar oyunları və digərlərində qazanc əldə edəcəyi vədi ilə 471 fakt üzrə 2.450.403 manat, alış-veriş saytlarında müxtəlif əşya satışı ilə bağlı 626 fakt üzrə 292.344 manat, telefon satışına görə 292 fakt üzrə 116.219, avtomobil satışına görə 100 fakt üzrə 121.640 manat, işə düzəldəcəyi vədi ilə 336 fakt üzrə 470.734 manat, kredit vədlərinə görə 501 fakt üzrə 139.600 manat, kirayə ev, avtomobil və digər xidmətlərə görə 343 fakt üzrə 82.370 manat olmaqla, digər üsul vasitələlə 10000-dən artıq fakt üzrə müxtəlif məbləğlərdə pul vəsaitləri xaricdən idarə olunmaqla başqa-başqa xarici hesablara köçürülüb.

Hər bir fakt üzrə aparılan təhlillər və araşdırmalar göstərir ki, aşkar bilinən kiber talama cinayətləri vətəndaşın bank kartına aid şəxsi məlumatların xaricdə olan naməlum şəxslər tərəfindən ələ keçirilməsi nəticəsində baş verib. Saxta xarici nömrələrdən, profil və səhifələrdən naməlum şəxslərin tələblərinə, təkliflərinə, vədlərinə inanan bank kart sahibləri onunla danışan, yazışan naməlum şəxsin niyətlərini yoxlamadan, araşdırmadan şəxsi məlumatlarını veriblər, şübhəli linklərə keçid ediblər.

Qeyd olunanları nəzərə alaraq, bir daha vətəndaşlara çağırış edirik, şəxsi məlumatları, bank kartı ilə əlaqəli onlayn ödənişlər üzrə – mədaxil və məxarici həyata keçirərkən diqqətli olsunlar, şübhə yaradan bütün təkliflərə ehtiyatla yanaşsınlar, naməlum zənglərə, mesajlara cavab verməsinlər, şübhəli linklərə keçid etməsinlər.

* * *

Parviz Hashimli

Bəs, nə qədər vəsaitin geri qaytarılması təmin olunub?

Bildiyim qədər cinayət işi də açılmır. Yalnız "Araşdırılır" deyə cavab verilir

İslam Qasımov

Bu qədər maarifləndirmə işləri aparılır,təsüfflər olsun ki,belə hallar yenidən təkrarlanır.

Məhəmməd Rəsul

dələduz məxluqları, arxası bağlı köpəklər, alçaq, şərəfini və hər kəsini Pula satan bu həşəratları Niyə görə cəzalandırılmır bu dövlət? Niyə əcəba Niyə?

Azər Səfərbəyov

Haram yolnan qazanmaq arzusunda olanlara yaxşı ediblər heç qəti üzülmürəm . A kişi 5 manatın var get bir şey al 6 manata sat da gərək Tomas gəlib sənə təklif etsin ki 5 azn ver mənə sənə 100 azn qaytarım ?)) tamahkarı yalançı aldadır . Daha çox bu faktlar biznes sahəsində olur ) kişinin oğlunda 5000 olan kimimi stəyir o pulu elə yerə vetsin ki buna ayda 5000 qazandırsın bunu aldadıb pulunu alırlar sonra deyir polis niyə tapmadı maşenniki )))

Mücirəddin Mübariz

Mənim kartıma daxil olub ancaq kommunal xərclərimi ödəyə bilərlər.

Nəğd gözəldir

Elyar İslamoğlu

Rəqəmlər dəhşətdir. Əksəriyyət də öz tamahının ya da cahilliyinin qurbanı olur.

Məlumata görə təşəkkürlər.

QEYD. Başlıqlar "Facebook" sosial şəbəkəsindəki başlıqla eynilik təşkil edir.