Rovshan Azizov:

Yalana qulluq edən "dindar", din pərdəsi altında gizlənməyə çalışan ateistdir. Allahı dərk edən dindar, Allahın görən və eşidən olduğuna inandığından, yalan danışmaz.

Азим Джабаров:

Bizim dünya görüşümüz Sovet dövründə formalaşdığı üçün dinə münasibətimiz Sabirin şerləri ilə üst-üstə düşüb.Halbuki o dövrdə dindarlara münasibət indikindən xeyli müsbət idi.Bu gün bütün dini ayinləri yerli-yerində yerinə yetirən dindarların arasında praqmatik insanlar daha çoxdur.Onların kompleksləri yoxdur, nə istədiklərini bilirlər və məqsədə doğru inamla gedirlər.Qardaş Türkiyənin təcrübəsi də burada az rol oynamayıb.

Yusifzadə Əsmər:

Həqiqəti axtarmaq lazım deyil. Əsas odur ki, istədiyin fikri həqiqət kimi təqdim edəsən.

Aristotelin fikridir.

Фируз Мустафа:

Bu və digər bu kimi frazalaın əksəriyyəti mənim kitablarımdan seçmələr və yaxud perdonajlarımın replikalarıdır...

QEYD. Başlıqlar "Facebook" sosial şəbəkəsindəki başlıqla eynilik təşkil edir.

Firuz Mustafa: 

Həqiqət yalanın qucağına sığınmışdı...

"Buz üstə yazılmış sətirlər" kitabından

* Həqiqət yolunda canından keçməyə hazır olan ateist, yalana qulluq edən dindardan Allaha daha yaxındır.

* Həqiqət haqda danışmaq hələ heç də mövcud həqiqət deyildir. Əsl həqiqət həqiqətin mövcudluğunu sübut etməkdir.

* Həqiqətin dili həmişə lal olur. Amma onu hamı anlayır.

* Həqiqət həmişə acı olur. Adamlarsa daha çox şirin şeyləri xoşlayırlar.

* Həqiqət elə bir “bəla” ki, ona tapınanlar bu yolda həyatlarından belə keçməyə hazır olurlar.

* Həqiqəti sənə çох zаmаn düşmənin dеyir.

* Həqiqətlə doğru arasında, belə demək mümkünsə, ürəklə ağıl arasındakı qədər uzun bir məsafə var.

* Həqiqət xiyabanına gedən yol, bəzən yalan cəngəlliklərindən keçir.

* Həqiqətə gedən yol bütün ömürdən keçir. Ona yetişmək üçün uzağa getməyə ehtiyac yoxdur, təkcə dönüb öz daxilinə baxmaq kifayətdir.

* Həqiqətən sаğ оlduğu bаrədə ondan arayış tələb еtdilər.

* Həqiqət yalanın qucağına sığınmışdı.

* Həqiqəti dediyinə görə dönə-dönə üzr istədi.