21 iyun 2025
  1. Ana Səhifə
  2. AZpress - ÖZƏL
AZpress - ÖZƏL

Ağcabədi: Antiterror əməliyyatında iştirak edən yeddi hərbiçimiz şəhidlik zirvəsinə ucaldı

8 ay əvvəl 412

Ağcabədi: Antiterror əməliyyatında iştirak edən yeddi hərbiçimiz şəhidlik zirvəsinə ucaldı

Bir il öncə -19 sentyabr 2023- cü il tarixdə erməni təxribatı nəticəsində 9 hərbçimizin şəhid olması artıq Qarabağda o zaman mövcud olan qanunsuz erməni hərbi və siyasi qruplaşmalarına qarşı antiterror əməliyyatlarının  keçirilməsini qaçılmaz etdi.

Vətən müharibəsi zamanı torpaqlarımızın böyük bir qismi işğaldan azad olunsa da, torpaqlarımızın tam azad edilməsi məhz antiterror tədbirləri ilə sona çatdı. 24 saatdan az davam edən bu əməliyyat ordumuzun  Qələbəsi ilə sonlandı. Bütün silahlı mübarizələrdə olduğu kimi antiterror əməliyyatları da itkisiz ötüşmədi. Ağcabədi rayonundan da 7 nəfər şəhidlik zirvəsinə ucaldı. 

"AZpress.AZ" İnformasiya Agentliyinin "AZpressTİMES.info" saytının bölgə müxbiri xəbər verir ki,  bu günlərdə - Sentyabrın 20-si, 22-si və 23-də rayon rəhbərliyi, həmçinin hüquq-mühafizə orqanlarının və bir sıra idarə-müəssisələrin rəhbərləri antiterror tədbirləri zamanı şəhid olan  Röyal Məmmədov, Nofəl Yusibli, İsgəndər Museyibli,  Vilayət Əhmədov, Mahir Cəfərov, Tuncay Əlizadə və Əlimərdan Qəhrəmanovun ildönümü mərasimlərində iştirak ediblər. 

Qeyd edək ki, həmin günlərdə həmçinin antiterror əməliyyatları şəhdlərinin məzarları ziyarət olunub. Ağcabədi şəhərində, eləcə də Hindarx qəsəbəsi, Kəbirli, Şənlik, Minaxorlu,Sarvanlar, Salmanbəyli  kəndlərində uyuyan şəhidlərimizin məzarları üzərinə çiçəklər düzülüb, ruhlarına dualar oxunub, xatirələrinin hər zaman qəlblərdə yaşayacağı bildirilib.

Biz də Allahdan şəhidlərimizə rəhmət diləyir, ruhunuz şad olsun deyirik.

Mais İbrahimov

Əlaqəli Xəbərlər

SOSİAL ŞƏBƏKƏLƏRDƏ BİZİ İZLƏYİN

Rəsmi Xəbər

Türkiyənin Kahramanmaraş şəhərində “Azərbaycan” məhəlləsinin açılış mərasimi keçirilib

Türkiyənin Kahramanmaraş şəhərində “Azər...

19 iyun 2025 21:37:14
Arxivə Keçid>>>
<