Telefonu 100 faiz doldurmaq lazımdır?

Görünür ki, telefonunuzu düzgün doldurmaq heç də çətin deyil - sadəcə batareyanın səviyyəsinə nəzarət edin və az olduqda onu rozetkaya qoşun. Ancaq uzun müddət ərzində batareyanın sağlamlığını qorumaq daha çətin bir işdir. Burada səhv etməmək və qaydalara riayət etmək vacibdir.

Mübahisəli məsələlərdən biri də batareyanı hansı səviyyədə doldurmağın daha yaxşı olmasıdır. Çoxları əmindir ki,  smartfon 100%-ə çatmayıbsa, onu şarjdan çıxarmaq zərərlidir, amma əslində bu bir mifdir. 

Tədqiqatlar göstərdi ki, müasir smartfon batareyası tutumu 80%-dən aşağı düşənə qədər orta hesabla 850 tam doldurma/boşaltma dövrünə tab gətirə bilir. Bu o deməkdir ki, iki-üç il istifadədən sonra batareyanın orijinal tutumunun yalnız 80%-i qalır. Bu zaman batareya nəzərəçarpacaq dərəcədə sürətlə boşalmağa başlayır. Batareyanın tutumu məhdud olduğundan, batareyanın ömrünü artırmaq üçün tam doldurma dövrlərindən (0% - 100%) qaçınmaq lazımdır. Samsung qeyd edir ki, batareyanın tez-tez 100%-ə qədər doldurulması onun ümumi istifadə müddətinə mənfi təsir göstərə bilər. 

Tam "doldurma" əvəzinə batareyanı 80% doldurmaq və şarj səviyyəsinin 20% -dən aşağı düşməsinə icazə verməmək tövsiyə olunur.