Cavadxan Qasımov

Naxçıvan Dövlət Universitetinin dosenti,
İqtisad üzrə fəlsəfə doktoru

NAXÇIVAN DÖVLƏT UNİVERSİTETİNİN TARİXİLİKLƏ MÜASİRLİYİN VƏHDƏTİNDƏN YARANAN TƏDBİRLƏRİNİN REALLAŞMASI: QƏRBİ AZƏRBAYCANA QAYIDIŞ FESTİVAL-KONQRESİ

Naxçıvan Dövlət Universiteti elm və təhsillə yanaşı, eyni zamanda, milli dövlətçilik tariximizin bütün mərhələlərinin gerçək ifadəsi olan proseslərin əlaqələndirilməsini təmin etməkdədir. İstər, tarixi keçmişimizin unudulmaması, istər müasir yanaşma tərzinin aşılanması, istərsə də, elmi və nəzəri əsaslandırmaların məhz bu mənada diqqətdə saxlanılması ali məktəbimizin xüsusilə də, son dörd ildən artıq bir dövrdə uğurla reallaşdırmış olduğu layihələrdə, ev sahibi olduğu yerli və beynəlxalq konfranslarda, təşəbbüskarı olduğu hər bir tədbirin həyata keçirilməsində bu dəyərlər özünü açıq şəkildə olmaq göstərməkdədir. 

Ölkəmiz 2020- ci ildə iki böyük virusla mübarizə apardı. Bunlardan biri erməni təcavüzü, digəri isə hələ də, təsirlərindən dünya miqyasında tam xilas ola bilmədiyimiz COVİD-19, Pandemiya idi. ALLAHA Şükürlər olsun ki, məqsədyönlü və düşünülmüş idarəetmə və siyasət nəticəsində hər iki virusla mübarizədə tarixi zəfərlə nəticələnən Qələbə qazandıq. Məhz həmin dövrdən etibarən, tarixi ərazilərimizə qovuşduq, həmçinin bununla da, ərazi bütövlüyümüz və suverenliyimiz bərqərar olundu. Müzəffəq Ali Baş Komandanımızın müdrikliyi, qəhrəman Şəhidlərimizin (ALLAHDAN rəhmət diləyir və sevgi ilə yad edirik) şücaəti və qədirbilən xalqımızın iradəsi ilə artıq qüdrətli Azərbaycan dövlətinin hərtərəfli inkişafı təmin olunmaqdadır. Xalqımızın ümummilli lideri Heydər Əliyevin böyük adı ilə bağlı olan tarixi Qayıdış hazırda işğaldan azad olunan torpaqlarımıza da davam etməklə, hər birimizə sonsuz qürur verməkdədir. İqtisadi inkişafın və sosial etibarlılığın indiki mərhələsində həmin torpaqlarımıza yeni nəfəs verilir, həyat bəxş olunur və milli iqtisadiyyatımızın uzunmüddətli prioritetləri müstəvisində inteqrasiya prosesləri uğurla davam etdirilir. Artıq həmin ərazilərimizin təbii, iqtisadi, mədəni və digər sahələr üzrə resursları dəyərləndirilməklə, onlardan həm də Milli Prioritetlərimiz üçün istifadə imkanları araşdırılmaqdadır. 

Məhz belə bir zamanda, ölkəmizin siyasi sabitliyi, nüfuzu, milli iqtisadiyyatı, dövlətçilik ənənələri, tarixiliklə müasirliyin vəhdətindən ortaya çıxan hədəfləri çərçivəsində yeni Qayıdışın ayaq səsləri də eşidilməkdədir. Azərbaycan dövləti özünün humzanizm dəyərləri, qurma və yaratma kimi ali məqsədləri, eyni zamanda, regionda və dünyada sülhün təşəbbüskarı və təminatçısı olaraq müəllifi olduğu layihələri ilə bir daha inkişafa, əminəmanlığa və rifaha tərəfdar olduğunu sübut etməkdədir. Elə Naxçıvan Dövlət Universitetinin müəllifi olduğu layihələr də məhz həmin dəyərlərin ifadə forması olaraq qürurvericidir. 

Təbii olaraq, istər geridə qalan 2023-cü ilin noyabr ayında, istərsə də, cari ilin 21-22 iyun tarixlərində ali məktəbimizin ev sahibliyi ilə reallaşacaq olan Qərbi Azərbaycana qayıdış festival-konqresin bu mənada tarixi, iqtisadi, mədəni, hüquqi, diplomatik və sosial əhəmiyyətini olduqca yüksək dəyərləndirmək lazımdır. Çünki, ölkəmizdə:

- Ulu öndərimizlə başlanan birinci Qayıdış, bizi oddan, alovdan xilas edərək özümüzə qaytardı;
- Müzəffər Ali Baş Komandanımızla başlanan ikinci Qayıdış bizi doğma torpaqlarımıza qovuşdurdu;
- Məhz bu əsasda reallaşacaq üçüncü Qayıdış isə Qərbi Azərbaycana olmaqla, daha böyük, daha qüdrətli, daha güclü Azərbaycan dövlətinin hər birimiz üçün iftixarını artırmış olacaq.

Naxçıvan Dövlət Universitetində hörmətli Rektorumuzun rəhbərliyi ilə reallaşan bu tədbirlər, biz elm adamları və pedaqoji işçilər üçün də məsuliyyətimizi artırmaqdadır. Ali məktəbimizdə bu festival-konqres üçün ciddi hazırlıq işləri getməkdədir. Artıq müəyyən olunan mövzular üzrə bölmələr formalaşmaqda, Qərbi Azərbaycanın tarixi, iqtisadiyyatı, mədəniyyəti, ədəbiyyatı, hüquqi məsələləri, diplomatiyası, folkloru, incəsənəti, musiqisi və digər dəyərləri ilə bağlı olan mövzular təqdim olummaqdadır. 

Sevindirici cəhət həm də ondan ibarət olmaqdadır ki, bu yüksək səviyyəli tədbirdə iştirak etmək üçün ölkəmizin hüdudlarından kənarda olan dostlarımız da məqalələr təqdim etməkdədirlər. 

Bu işdə, hər birimizə uğurlar arzu edir, Uca ALLAHDAN iş avandlığı diləyirəm. Bu tədbirlərlə ümidliyik, pozitivik və güclü enerji ilə çalışmalıyıq.