Dünyada 302 milyon uşaq onlayn cinsi zorakılığın qurbanı olub

Edinburq Universitetinin tədqiqatçıları müəyyən ediblər ki, 2023-cü ildə dünya uşaqlarının 12,6 faizi onların razılığı olmadan cinsi şəkillərə və videolara məruz qalıb.

2023-cü ildə dünya uşaqlarının 12,6%-i (təxminən 302 milyon insan) onlayn cinsi zorakılığın qurbanı olub. Bunu Edinburq Universitetində “Childlight” təşəbbüsü çərçivəsində aparılan araşdırmada təqdim olunan hesabat sübut edir.

Edinburq Universitetinin tədqiqatçıları müəyyən ediblər ki, 2023-cü ildə dünya uşaqlarının 12,6 faizi onların razılığı olmadan cinsi şəkillərə və videolara məruz qalıb.

Eyni zamanda hesabatda qeyd edilir ki, ABŞ bununla bağlı ən yüksək riskin qeydə alındığı regiondur.

Qeyd edək ki, tədqiqatçılar Avstraliya, Böyük Britaniya və ABŞ-da yaşayan 18 yaşdan yuxarı 4918 kişidən ibarət nümayəndə nümunəsini tədqiq ediblər.

Hesabatda qeyd olunur ki, ABŞ-da hər doqquz kişidən biri (təxminən 14 milyon insan) həyatlarının müəyyən dövründə uşaqlara qarşı onlayn cinayətlər törətdiyini etiraf edib. Bundan əlavə, Britaniya kişilərinin 7 faizi (1,8 milyon nəfər) və avstraliyalı kişilərin 7,5 faizi (təxminən 700 min nəfər) oxşar etiraflar edib.

Hər üç ölkədə milyonlarla kişi, gizli qalacağını düşünsələr, uşaqlara qarşı fiziki cinsi təcavüzə cəhd edəcəklərini etiraf etdilər.

Hesabatda qeyd olunur ki, koronavirus pandemiyası bütün dünyada onlayn vərdişləri dəyişib.

"Childlight"ın icraçı direktoru Pol Stenfild deyib: "Bu, təkcə Böyük Britaniyada Uembli Stadionunu 20 dəfə doldura bilən kişi cinayətkarların növbəsinə bərabər olan heyrətamiz bir miqyasdır".

O, uşaqlara qarşı zorakılıqdan bəhs edən materialların orta hesabla çox yayıldığını, hər saniyə monitorinq və polis təşkilatlarına faylların daxil olduğunu qeyd edib.