Osman Gündüz: 

Yeni Dövr və köhnə formatlı toplantılar

Məlumat veriblər ki, ötən gün “İnnovasiya” İşçi qrupu 2023-cü ilin yekun hesabatını müzakirə edib.

Rəqəmsal inkişaf və nəqliyyat nazirinin müavini Fərid Əhmədov “2022 – 2026-cı illərdə sosial-iqtisadi inkişaf Strategiyası”nda İnnovasiya sahəsində görülmüş işlər barədə danışıb. İİKM rəsmisi isə hesabatı təqdim edib.

Vəssalam.

Məlumatda əlavə heç nə qeyd olunmayıb.

Tam səmimi deyirəm, xüsusi xidmətlərimizin, DTX və XRİTDX-nin məlumatları daha anlaşıqlı, ağlabatan və əhatəli olur.

Bu İşçi Qrupunda 20-dən çox dövlət qurumu təmsil olunur.

Beynəlxalq qurumların hesabatlarında Azərbaycan innovasiya və ekosistemdə ən aşağı yerlərdədir.

Sonuncu beynəlxalq hesabatda isə 132 ölkə arasında 89-cu yerdə qərarlaşıb.

Yəni deyiləcək çox şeylər var, ciddi təhlillər olmalıdır, hansı istqiamətlər üzrə problemlərin olması, resursların hara ayrılması elan olunmalıdır. Prioritetlər olamlıdır.

Xatırlayıram ki, beynəlxalq hesabatlarda Azərbaycanda bu istiqamətdə sərf olunan resursların çox olması, lakin effektivliyin və səmərəliliyin az olması göstərilirdi.

Bir neçə gün öncə andiçmə məraismindəki çıxışında Prezident İlham Əliyev Yeni Dövrlə bağlı bu sektorda ciddi dönüş yaratmağın vacibliyini vurğulayıb. Ciddi mesajlar verib.

Amma görünən odur ki, hələlik bu sahədə toplantılar, müzakirələr, açıqlamalar və çağırışlar köhnə formatdadır.