Astronomlar tədqiq olunan Kainatda ən qədim su hövzəsini kəşf ediblər

Elm adamları tədqiq edilən Kainatdakı ən böyük su hövzəsinin 12 milyard yaşında olduğunu təsdiqləyiblər. İki astronom qrupu kosmosda indiyə qədər kəşf edilmiş ən böyük və ən uzaq su anbarını qeydə alıb. Qeyd olunur ki, su anbarının su kütləsi Yerdəki bütün suların kütləsindən əhəmiyyətli dərəcədə çoxdur. Alimlərin fikrincə, bu, dünya okeanlarındakı bütün suyun 140 trilyonuna bərabərdir. 

"Bu kvazarı əhatə edən mühit ona görə unikaldır ki, o, böyük miqdarda su əmələ gətirir. Bu, suyun hətta ən qədim dövrlərdə də Kainatda geniş yayıldığının növbəti nümayişidir", - tədqiqatçı bildirib. Kvazarlar nəhəng göy cisimləri hesab olunur və böyük miqdarda enerji yayırlar. Mərkəzdə yerləşən superkütləli qara dəliyə düşən qaz və toz bütün elektromaqnit spektri boyunca elektromaqnit şüalanma yayır.

Astronom qrupları Günəşdən 20 milyard dəfə daha böyük qara dəliyə malik olan və minlərlə trilyon günəş qədər enerji istehsal edən APM 08279+5255 adlı xüsusi kvazarı araşdırıb. Bradfordun komandası suyun bir neçə spektral imzasını kəşf etdiyi üçün su, xüsusən də onun inanılmaz kütləsi haqqında daha çox məlumat əldə edə bildi.