Bəhruz Niftəliyev: 

O qədər uzaqsan...

O qədər uzaqsan bilmirsən mənim,

Sənsiz bu dünyada halım necədi.

Sinəmə vurduğun dağı demirəm,

O dağa üz tutan ahım necədi?!

O qədər uzaqsan məsafən əfi

İlan tək gözümdə qıvrılar, neynim?

Adlayıb gəlsən də, dönsən də qəfil,

Çapdığın körpülər qırılar, neynim?

O qədər uzaqsan duman içində

Səni aramaq da müşküldü artıq.

Səni Tanrıdan da uman içimdə

İblisi görməyin mümkündür artıq.

Gözümdən düşdüyün zirvənə heyif,

Bir sinə dözənməz bir mənə heyif.

Sənə bəslədiyim bu gülüstanı,

Tikanlı məftillər bilmənə heyif.

Ta sənə yetmək də istəmirəm heç,

Ta səni görmək də gəlmir içimdən.

Xəyalın , xatirən gözümə batır,

Gözündə ölmək də gəlmir içimdən.

Beləcə əriyir qəlbimin buzu,

Beləcə silinir əlinin izi.

Tanrı, yazdığın yaz qismət olmadı,

Yeni fəsilləri yazacam özüm.

Fəxrəddin Teyyub

Bu gözəl Şeirin ilk oxucusu olmaq mənə qürur verir. Var olun, Siz bənzərsizsiniz!

Lutviyye Asgerzade

Rezonans qanunu, hər şey beyinin sərhədləri içərisində başlayır. Yeni, gözəl fəsillərə...

"Tanrı, yazdığın yaz qismət olmadı,

Yeni fəsilləri yazacam özüm."

Sona Çərkəz

MAŞALLAH. ÜRƏYİNƏ SAĞLIQ, DÜŞÜNCƏNƏ ALQIŞ !

ƏZİZ BƏHRUZUM!

Gulzar Kazimova

Çox gözəl  Qələminiz heç zaman yorulmasın 

QEYD. Başlıqlar "Facebook" sosial şəbəkəsindəki başlıqla eynilik təşkil edir.