LANDAU School-da World’s Largest Lesson layihəsi keçirilib

2 Dekabr 2024-cü il tarixində, Azərbaycan Gənclər Fondunun dəstəyi ilə AIESEC Azərbaycanın təşkilatçılığı ilə LANDAU School-da World’s Largest Lesson layihəsi keçirildi.

Layihə “Yaşıl Dünya üçün Həmrəylik İli” mövzusunda və COP29 çərçivəsində baş tutdu. Tədbirin əsas məqsədi gənc nəslin Dayanıqlı İnkişaf Məqsədləri (SDG) haqqında məlumatlanmasını təmin etmək, onların ekoloji bilik və şüurunu artırmaq, eləcə də dayanıqlı gələcəyin qurulmasında fəal iştiraklarını təşviq etmək idi.

Layihə çərçivəsində 100-dən çox AIESEC üzvü LANDAU School-un 2000-ə yaxın şagirdinə SDG-lərlə bağlı dərslər keçdi. Dərslər əyləncəli və interaktiv formatda təşkil edilərək, məktəblilərdə dayanıqlılıq mövzusuna maraq və məsuliyyət hissi oyatmağa xidmət etdi.

Tədbir açılış mərasimi ilə başladı və AIESEC Azərbaycanın Prezidenti Nicat Tahirli tədbiri rəsmi şəkildə açıq elan etdi. Daha sonra LANDAU-dan Leyla Məmmədyarova və ABB-dən Aygün Ağalarova inspirativ çıxışları ilə iştirakçıları salamladılar.

Panel müzakirəsində isə UNICEF-dən Elmir Valehli, AIESEC Azərbaycandan Nicat Tahirli və COP29 nümayəndəsi Məryəm Məcidova iştirak edərək layihənin əhəmiyyətini, gənclərin dayanıqlılıq mövzusundakı rolunu və qlobal problemlərin həllində birgə əməkdaşlığın vacibliyini vurğuladılar.

Layihənin uğurla həyata keçirilməsində Azərbaycan Gənclər Fondu və LANDAU School mühüm dəstək göstərərək əhəmiyyətli töhfə verdilər.

World’s Largest Lesson layihəsi gənclərin maarifləndirilməsi və dayanıqlı gələcək üçün vacib biliklərə yiyələnməsinə şərait yaratdı, bu isə 2000-ə yaxın məktəbliyə dərin təsir göstərərək onların gələcək nəsillər üçün müsbət dəyişikliklər etməyə ilhamlandırdı.