Elmar Qasımov tatamiyə dönərək çempion olub

Noyabrın 29-da Bakı İdman Sarayında böyüklər ( kişi və qadınlar) arasında startı verilən cüdo üzrə seçmə xarakterli Azərbaycan çempionatında bu gün fərdi yaşayışlara yekun vurulub. Fərdi yaşayışlarin ikinci günü qadınlar 48, 52 və 57 kq-da, kidilərsə 81, 90, 100 və +100 kq çəki dərəcəsində tatamiyə çıxaraq medallar uğrunda mübarizə aparıblar. İkinci gün umumilikdə 7 çəkidə 120 tatami ustası nəyə qadir olduğunu nümayiş etdirib.

Günün və yarışın diqqət çəkən məqamlarından biri 100 kq çəki dərəcəsinin finalında baş verib. Uzun illər bu çəkidə çıxış edən və ölkə yiqmasinda bu çəkidə bir nömrəli olan, gənclərin dünya çempionu, Olimpiya ikincisi adını daşıyan veteran cüdoçu Elmar Qasımovun tatamiyə çıxması olub. Bir müddət tatamidən uzaq düşən Elmar Qasımov həlledici finalda 1 dəqiqə 29 saniyə vaxt sərf etməklə Şahin Əsədovu məğlub edərkən yenidən Azərbaycan çempionu olub. Bu çəkidə Davud Namazlı və Nihad Şıxəlizadə üçüncü yeri tutmaqla bürünc medala layiq görülüb.

Digər çəki dərəcələrinə gəlincə, nəticələr belə olub: 

Qadınlar: 

48 kq: 1. leyla Əliyeva, 2. Şəfəq Həmidova, 3. Fəridə Mirzəyeva və Məryəm Bayramova;

52 kq: 1. Xədicə Qədəşova, 2. Fidan Əlizadə, 3. Ülviyyə Bayramova və Çinarə Sahibova;

57 kq: 1. Aceliya Toprak, 2. Aytən Verdiyeva, 3. Nilgün Rzayeva və Vüsalə Hacıyeva.

Kişilər:

81 kq: 1. Zəlim Tskayev, 2. Ömər Rəcəbli, 3. Cəsur İbadlı və Məhərrəm İmamverdiyev;

90 kq: 1. Murad Fətiyev, 2. Aslan Kotsayev,  3. Məmmədrza Hacızadə və Naim Hüseynov;

+100 kq: 1. Uşanqi Kokuari, 2. İmran Yusifov, 3. Ramazan Əhmədov və Eldar Əliyev.

Xatırladaq ki, çempionatın ilk günü isə qadınlardan Fidan Əlizadə (63 kq), Günel Həsənli (70 kq), Nərmin Əmirli (78 kq) və Nigar Süleymanova (+78 kq), kisilərdənsə Hüseyn Allahyarov (60 kq), Rəşad Elkiyev (66 kq) və Rəşad Məmmədəliyev (73 kq) Azərbaycan çempionu olub.

Çempionatın mükafat fonduna gəlincə, həm qadınlar, həm də kişilər arasında ilk üç yeri tutan cüdoçular müvafiq olaraq 1000, 700 və 350 manat qazanıblar. 

Dekabrın 1-də isə komanda yarışları keçiriləcək və bununla da Azərbaycan çempionatına yekun vurulacaq.

İNTİQAM Məmmədov