Elçin Səlimli: 

"EŞQ OLSUN" bu müqəddəs bayrağımıza!

Əziz dostlar və bizi izləyənlər ,bu tarixi və şərəfli günlərin biri- birinə qarışdığı bir vaxtda , hamınızı xoş gördük . Bu günlər şanlı və xalqımızın tarixinə qızıl hərflərlə yazılmış "Zəfər" günümüzü böyük təmtəraqla qeyd edirik . Bəli , Vətən müharibəsində 44 gün qəhrəmanlıqla vuruşduq , şəhidlər verdik və gəlib bu günlərə çatdıq . Bu tarixi anın , böyük qələbənin sevincini , yaşamaq həqiqətən qürur verici və təmtəraqlıdır . Çünki gəlib bu günlərə çatmaq üçün biz , xalqımızla və Şanlı Ordumuzla çox böyük məsafəni qət etməli olduq . Və bu günlər igid və qəhrəman oğullarımızın , mərd , dəyanətli qızlarımızın axıtdıqları qanları nəticəsində bizə nəsib oldu . Bu yolda öz əziz canlarını fəda eləyən şəhidlərimizə "EŞQ OLSUN" ! Biz onlara həmişəlik borcluyuq və ruhları qarşısında baş əyirik .

Allah onlara rəhmət eləsin .

İgid qazilərimizə bol-bol şəfalar versin .

Bu gün isə müqəddəs üç rəngli "Bayrağı"mız gününü qeyd edirik . Və bu müqəddəs üç rəngli bayraq bu gün Xalqımızın və Dövlətimizin ən böyük atributudur , ölkəmizin hər yerində , bütün torpaqlarımızda qürurla dalğalanır . Həmin bu bayraq Qarabağ savaşı və ikinci Vətən müharibəsində müqəddəs şəhidlərimizin tabutlarını bəzəyərək ölkəmizi və bütün dünyanı dolaşdı .

"EŞQ OLSUN" bu müqəddəs bayrağımıza ! ...

Əziz dostlar, mən də sizləri bu şanlı və tarixi günlər münasibəti ilə bir daha ürəkdən təbrik edirəm . Hamınıza xoş günlər və möhkəm can sağlığı arzulayıram . Sonda bu günlər münasibəti ilə sizlərə aşağıdakı şeirləri ərməğan edirəm .

Dərin hörmətlə : Elçin S .

09 . 11 . 2024 .

AZƏRBAYCANIM .

Zəfərlər qazandıq biz Qarabağda ,

Zəfərin mübarək , Azərbaycanım !

Qovduq yağıları doğma torpaqdan ,

Bayramın mübarək , Azərbaycanım !

Qırx dörd gün gecəni , qatıb gündüzə ,

Mərdliklə döyüşüb , salnamə yazdın !

Mat qaldı dünya da hətta gücünə ,

Qorxmadan ölümə meydan oxudun !.

Gedir ön sırada indi bayrağın ,

Döyüşdən-döyüşə oldu dayağın !

Odur fəxarətin , odur vüqarın ,

Bayrağın mübarək , Azərbaycanım ! ...

ORDUM .

Həyacan siqnalı artıq çalınıb ,

Yürüşə başlayır , Müzəffər Ordum !

Vətənin dərdinə hamı oyanıb ,

Döyüşə atılır , Müzəffər Ordum !

Başlayır hücuma igid əsgərim ,

Şığıyır irəli mərdim , ərənim ,

Dəstəkdir hücuma bütün ellərim ,

Döyüşə atılır , səfərbər Ordum ! .

Endirir zərbəni , zərbə dalınca ,

Son anda düşməndən qisas alınca ,

Gözəlim Şuşaya yol açılınca ,

Yetişir Qalaya , cəngavər Ordum ! ...