NDU ilə Con fon Neyman Universiteti arasında ikili diplom müqaviləsi imzalanıb 

Naxçıvan Dövlət Universitetinin yeni inkişaf mərhələsində əldə etmiş olduğu uğurlar əhatəsini və miqyasını daha da genişləndirməkdədir. Yalnız tələbəyönümlü tədris imkanlarının yaradılması, bunun üçün müvafiq təsisatların təşəkkülü, nəticə etibarı ilə sistemli, dayanıqlı ixtisaslaşma mühitinin əsaslarını gücləndirmişdir. İstər, səmərəli tədris mühitinin olması, istər, beynəlxalq tədris proseslərinə inteqrasiya olunma, istərsə də, yeni ideya və təşəbbüslərin ortaya qoyulması bütün tərəflərinə görə Naxçıvan Dövlət Universitetinin günbəgün aktuallaşan mövqeyini ortaya qoymaqdadır.

Bu sırada, Azərbaycan Respublikasına dost olan ölkələrlə tədris sahəsində də qarşılıqlı əməkdaşların mühüm əhəmiyyətini qeyd etmək olar. Belə ki, Naxçıvan Dövlət Universitetinin rektoru, tələbələrin sevimlisi, Elbrus İsayevin rəhbərliyi ilə Macarıstanda səfərdə olan nümayəndə heyəti yeni əməkdaşlıqlar üçün razılıq əldə etmişlər. Ölkəmizin iqtisadi və sosial layihələrində, hətta beynəlxalq iqtisadi münasibətlər sistemindəki rolunda hər zaman yanımızda olan dost Macarıstan Respublikasının ali məktəbləri ilə qarşılıqlı əməkdaşlıqlara başladı.

Bu, Con fon Neyman Universiteti ilə, ikili diplom sahəsində olan əməkdaşlıqdır. Xüsusilə, kompüter mühəndisliyi (tədrisi ingilis dilində olan) ixtisası üzrə nəzərdə tutulmuş olan bu əməkdaşlıqlar, qarşıdakı illər üzrə yeni leyfiyyət mərhələsinin əsaslarını yaratmış olacaq.

Diqqət etdikdə aydın olur ki, bu əməkdaşlıqlar, xüsusilə, malik olduğu, iqtisadi, sosial, idarəetmə, mədəni, elmi və pedaqoji əhəmiyyətinə görə də yüksək əhəmiyyət kəsb etmiş olacaq. Eyni zamanda, biznesin təşkili üzrə perspektivlər, sənaye mərkəzi ilə əlaqələr, mühəndislik sahəsində yanaşmalar və təcrübə, informasiya təhlükəsizliyi istiqamətində etibarlılıq və təbii olaraq, ixtisaslaşma sahəsində yeni çağırışlar müstəvisində də olduqca səmərəli olacaqdır.

Macarıstan, ölkəmizin milli maraqlarının müdafiə olunması sahəsində də tarixi dəstəyini göstrəməkdədir. Belə ki, milli iqtisadiyyatımız üçün həm də meqaiqtisadi əhəmiyyətli layihə olaraq, TANAP və TAP layihələrinin həyata keçirilməsində Macarıstan hər zaman bizimlə oldu.

Beləliklə, Naxçıvan Dövlət Universitetinin, hörmətli rektorumuzun rəhbərliyi ilə uğurla savam edən yenilikləri yalnız və yalnız tələbələrin aydın sabahı və işıqlı gələcəyinə hesablanmışdır. Bu sahədə, qüdrətli dövlətimizin gündəlik qayğısı isə olduqca güclü dayaq olmaqdadır.

Xeyirli olsun!

Cavadxan Yusifoğlu Qasımov