"Real Madrid" azarkeşlərinin "Barselona"nın futbolçularına qarşı irqçi hərəkətlərini pisləyib

"Real Madrid" rəsmi internet saytında La Liqanın 11-ci turunda komandaların baş-başa oyunu (0:4) zamanı "Barselona"nın futbolçularının ünvanına irqçi təhqirlər səsləndirən bəzi azarkeşlərinin davranışını pisləyən bəyanat yayıb.

Real Madrid futbol və idmanda irqçilik, ksenofobiya və ya zorakılıqla əlaqəli hər hansı davranış formasını qətiyyətlə pisləyir və ötən gecə bir neçə azarkeşin stadionun bir küncündə səsləndirdiyi təhqirlərə görə dərin təəssüf hissi keçirir.

"Real Madrid" bu acınacaqlı və iyrənc təhqirlərə görə məsuliyyət daşıyanları tapmaq üçün onlara qarşı müvafiq intizam və məhkəmə tədbirləri görmək üçün araşdırmaya başlayıb", - bəyanatda deyilir.

"Real Madrid"in hücumçusu Vinisius Junior da "Barselona" ilə La Liqanın 11-ci turu matçında irqçi təhqirlərə cavab olaraq açıqlama verib.

“Təəssüf ki, dünən Santiago Bernabeuda irqçi təhqirlər baş verdi. Bu cinayətkarların cəmiyyətimizdə yeri yoxdur. Lamin Yamalı, Ansu və Rafinhanı tam dəstəkləyirəm. Bilirəm ki, Madrid və polis günahkarları tapıb cəzalandırmaq üçün əlindən gələni edəcək”, - deyə Vinisius X sosial şəbəkəsində yazıb.

"Barselona"nın vingeri Lamin Yamal İspaniya Primerasının 11-ci turunda "Real Madrid"lə "mavi qranatlılar"ın 4:0 hesabı ilə qalib gəldiyi matçda irqi təhqirlərə məruz qalıb.

Los Blancos azarkeşləri 17 yaşlı futbolçunun matçın 77-ci dəqiqəsində “Real Madrid”ə qol vurmasından sonra onu təhqir etməyə başlayıblar.

Madrid klubu azarkeşlərinin Yamal adlarını çəkməsinin videoyazısının İspaniya Kral Futbol Federasiyasının Zorakılıqla Mübarizə Komissiyası tərəfindən araşdırılacağı vurğulanır.