28 iyun 2026
  1. Ana Səhifə
  2. AZpress - ÖZƏL
  1. Ana Səhifə
  2. Mədəniyyət
AZpress - ÖZƏL Mədəniyyət

Azərbaycan Milli Kulinariya Assosiasiyası “Qərbi Azərbaycanın şirin inciləri” adlı yeni kitabını təqdim etdi 

1 il əvvəl 695

Azərbaycan Milli Kulinariya Assosiasiyası “Qərbi Azərbaycanın şirin inciləri” adlı yeni kitabını təqdim etdi

Oktyabrın 12-də Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin Qrant layihəsi çərçivəsində Azərbaycan Milli Kulinariya Assosiasiyasında hazırlanmış “Qərbi Azərbaycanın şirin inciləri” kitabının təqdimatı olub. Kitabın təqdimatı 20 oktyabr-Beynəlxalq Kulinariya gününə həsr edilib.Azərbaycan Milli Kulinariya Assosiasiyasının prezidenti Tahir Əmiraslanov və layihə rəhbəri Aynurə Əmiraslanova tərəfindən qələmə alınmış kitab Qərbi Azərbaycan ərazisində yüzilliklər boyu formalaşan və ermənilər tərəfindən özününküləşdirilən ənənəvi şirniyyatlarımızın düsturlarının bərpasını və tarixi-etnoqrafik tədqiqatını əhatə edir.

Kitabın "Ön söz"ünün müəllifi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyevadır. Kitab Azərbaycan və ingilis dillərində çap olunub, 220 səhifədən ibarətdir. Əsərdə Qərbi Azərbaycan mətbəxinə aid bərpa edilmiş ənənəvi şirniyyat düsturları ilk dəfə geniş şəkildə təqdim olunub.

Tədbirdə Qərbi Azərbaycanın İcmasının nümayəndələrinə, sponsorlara, mətbuat nümayəndələrinə söz verildi və kitab paylanıldı. Təqdimat mərasimində bir çox media nümayəndələri, həmçinin "AZpress.AZ" Video-Foto İnformasiya Agentliyi də təltif edildi.

Kitabda geniş mövzulara toxunulub: unlu və qənnadı məmulatlarından başlayaraq, meyvə quruları, mürəbbələr, şəkərləmələr və içkilərə qədər müxtəlif şirniyyatlar ətraflı şəkildə təsvir olunub. Həmçinin, kitabın sonunda 58 ədəd ədəbiyyat siyahısı və bu sahə ilə bağlı məlumatlar verən 63 respondent haqqında məlumat yer alır. Sucuq, alana, İrəvan kətəsi, saray paxlavası, adi paxlava, xurma südü, Göyçə badamburası, cilov kimi şirniyyatlar bu mətbəxin inciləri olaraq ilk dəfə oxuculara nəfis şəkildə təqdim edilib. Kitabın üz qabığında ermənilərin özününküləşdirməyə çalışdığı bu şirniyyatların rəsmləri də yer alır. Son üz qabığında isə "Kəvər" adlı toponimdən götürülmüş paxlavanın təsviri əks olunub.

Tədbirdə unudulmaz balaban ustası və ifaçısı Abbasqulu Nəcəfzadə, Abbasqulu xan İrəvanski, Pənah xan Makinskinin nəticəsi, Əli xan və Tacı xanımın nəvəsi olan böyük bir nəslin davamçısı Ofelya xanım Bağırbəyova da iştirak etdi. İrəvan zadəgan nəslinin nümayəndəsi olan Ofelya xanım Bağırbəyova çıxış edərək qonaqları salamladı və öz xoş arzularını dilə gətirdi.

VİDEO-FOTO REPORTAJ : Günel Sadıxova

1-ci reportajla tanış olmaq üçün linkə daxil olun: https://azpresstimes.info/news8129

"AZpress.AZ" İnformasiya Agentliyinin "AZpressTİMES.info" xəbər saytı tədbirdən fotoreportajı təqdim edir:

Əlaqəli Xəbərlər

SOSİAL ŞƏBƏKƏLƏRDƏ BİZİ İZLƏYİN

Rəsmi Xəbər

Prezident İlham Əliyev Silahlı Qüvvələr Günü ilə bağlı paylaşım edib

Prezident İlham Əliyev Silahlı Qüvvələr...

26 iyun 2026 11:59:08
Arxivə Keçid>>>
<