Azer Hasret:

Təəccüblü heç nə yoxdur. Əksəriyyət elədir. Adam vəzifədə olanda az qala ayağını yalayanlar vəzifədən gedən kimi ilk zərbəni vurmağa növbəyə dururlar...

İlqar Əlfioğlu:

İlk dəfədi oxuyuram, amma deyəsən, yaxşıdı. Şeiriyyətilə işim yox, obrazları diridi.

Faiq Balabeyli:

Sağ ol , Elman. Sağ olsun Əbülfət Mədətoğlu,.şeirlər yayınlayır. Sağ olsun Sona xanım. Gözəl şairimiz, gözəl şeirlərinə görə, istedadına və insanlığına görə.

Исрафил Исмаилов:

İncə ruhlu şairdir Sona xanım..

Təbiət şairidir tələbə yoldaşım.

Elinə-obasına, xəlqinə-millətinə

sevgisi var, sayqısı var şairimin..

Devlətinə-əsgərinə, vətəninə-yurduna olan sonsuz məhəbbəti hər misrasında duyulur, sezilir Sona xanımın..

Murad Mammadov:

Gözəl ruhu və təbi var Sona xanımın. Çox da Vətənpərvər şairədir. Onun bir zamanlar Şuşa haqqında, Qarabağ harayı, qaçqın-köçkün həyatı və didərgin insanların əhvalı haqqında yazdığı çoxsaylı şeirlər kövrək ruhlu olsa da, əsl səfərbəredici qəhrəmanlıq qayəsi yaradırdı oxucuda. Ümumiyyətlə, Sona xanımın əksər şeirləri duyğulu, dərin məmalı və düşündürücüdür. Var olun, Sona xanım! Təbinizə və şair ruhunuza eşq olsun!

Seyidağa Seyid Sadıq:

Dünya qurulandan ağaclar payızda töküb yarpağın. Nə analar nalə çəkib, nə də göz yaşı töküb. İndi ağaclar çiçəklənən, yenicə yarpaqlanan vaxtı tökür yarpaqların, analar bu ah-naləyə necə dözürlər Sona xanım.

Allah sizə yar olsun!

Qələminizi korşaltmyın, kitablara üstünlük verin.

Seyfəddin müəllim, sizə də minnətdarlıq edirik. Kitablara kömək etyə borcluyuq.

Shelale Goyturk Nia Qara:

Sona xanımın çox incə poetik hissiyyatı var. Bu həssaslıq ona poeziyada öz üslubunu yaratmağa imkan verir. Sona xanım gözəl şair olmaqdan əlavə, həm də gözəl insandır. Müəllifə cansağlığı və bol yaradıcılıq uğurları arzulayıram!

Anar Veziroglu:

Sona xanım haqqıda, kecmişdə danışmaq gərək deyil. İndidə syılıb- seciləndir, sadəcə qiymətə mindirdikləri qiymətini qoruyub saxlamadığına görə, heyhat deyibən AH cəkirik.

Var olun, Sona xanım, ikiüzlüləri bizə yetərincə tanıtdığınız ücün, sağ olunki, bizlər az olsaqda, yetərincə SİZi dərk edə bildik!.

Sadə insanların ətrafınızda, nə işi, ola bilərdi, pərcinlənmiş və zəpt olunan, zorən ətrafdakılar, ində " DAy- Dayılılar" axtarıb, eşələnirlər. Və yetərincə istəklərinə catıblarda, təəccüblənə hecnə yoxdur- biqəməlun və rəng...

QEYD. Başlıqlar "Facebook" sosial şəbəkəsindəki başlıqla eynilik təşkil edir.

Elman Eldaroğlu: 

Ey gidi dünya...

Ey gidi dünya, on il bundan əvvəl Sona xanımın şeirlərini işıqlandırmaq üçün saytlar canfəşanlıq edirdilər, bundan məmnuniyyət hissi keçirirdilər. Axı ömür-gün yoldaşı ölkə əhəmiyyətli məsul vəzifələrdən birində çalışırdı. Çoxu elə tələsirdi ki, birdən bağlanar, yer qalmaz...

Sağ olsun, Yenises. Az sayıtı, sağ olsun, Əbülfət Mədətoğlu, Sona Vəliyevanın yaradıcılığına tez-tez işıq tutur. O, əslində mərd olduğunu, əsl insan olduğunu sübut edir.

Budur, "Yenises"in növbəti buraxılışında Sona xanımın qızıl payızı tərənnüm edən daha bir şeiri işıq üzü görüb:

Dəli külək

Dayan,

Dayan, dəli külək,

ağacdan ayrılan kövrək,

ürkək yarpaqları hər tərəfə

qovma belə!

Dayan,

dayan,

dəli külək...

Anasından,

Vətənindən,

elindən,

obasından

ayırma körpə,

tifil yarpaqları...

“Tale yazısıdır” deyib

payız ayrılığına,

yarpaq qırğınına,

qürbətdə ölümünə qıyma.

Bu yarpaqların arxasınca

ağısını,

harayını eşitdinmi ağac ananın?

Qaçqın,

köçkün taleyini,

yad ağac qapısında

urvatsız ölməyi,

doğmalarsız,

elsiz,

günsüz

dəfn olunmağı qıyma bu yarpaqlara,

dəli külək.

Onsuz da, dərdimiz çoxdur,

dayan bir az,

dayan görək!