QHT-lər şəhid anası ilə dövlət məmurları və ictimaiyyətin görüşünü təşkil etdi

Bir müddət bundan öncə Azərbaycandan olan bir qrup şəhid ailələri üzvlərinin  Türkiyəyə səfəri təşkil olunmuşdur. Onların içərisində “Türk Dünyası Turan Düşüncə Mərkəzi”, “Beynəlxalq Əlillər Cəmiyyəti”  və “Aztəminatlı, Əlil, Şəhid və Müharibə Veteranları Ailələrnə Kömək” İB-in İdarə Heyəti və “Əlillər Dünyası” qəzetinin Redaksiya Heyəti üzvü, şəhid polkovnik-leytenant Rəşad Quliyevin anası Mətanət Quliyeva da var idi. 

Dünən AYB-də hər üç təşkilatın təşkilatçılığı ilə Mətanət xanımın Türkiyə səfərinə həsr olunmuş tədbir keçirildi.  

18 oktyabr Müstəqilliyimizin Bərpası Günü ərəfəsində keçirilən tədbiri giriş sözü ilə açan sədr Tahir Xudiyev hamını bu gün münasibəti ilə təbrik etdi və bütün şəhidlərimizin əziz xatirəsini bir dəqiqəlik sükutla yad etməyi xahiş etdi.

Sonra Mətanət ana Türkiyədə yüksək səviyyədə qarşılanmalarından, Türkiyə Prezidenti cənab Rəcəb Tayyib Ərdoğanla, Milli müdafiə naziri cənab Yaşar Gülər, AKP Millət Vəkili, Cümhur Başkanı yardımçısı Mustafa Şən və başqa yüksək vəzifəli dövlət məmurları, şəhid ailələri ilə görüşlərindən ürək dolusu danışdı. Keçirilən hər bir görüş barədə xoş xatirələrini söylədi.

Həmin səfərin təşkilatçısı olan və bugünkü tədbirdə iştirak edən “Türkiyə-Azərbaycan iş Adamları və Sənayeçiləri” İB-in İdarə Heyəti sədri Hüseyn Büyükfırat, “Beynəlxalq Əlillər Cəmiyyəti” İB-in (BƏCİB) Sədr müavini, AYB-nin Birinci katibi Çingiz Abdullayev, BƏCİB Ağsaqqallar Şurasının üzvü, filologiya üzrə elmlər doktoru İmaməddin Zəkiyev, BƏCİB İdarə Heyəti üzvü, BDU-nun professoru, Əməkdar jurnalist, ədliyyə polkovniki Allahverdi Məmmədli, Müdafiə Nazirliyi Şəhid Ailələri və Qadınlarla İş üzrə Şöbəsinin müdiri Zümrüd Səmədova, Gömrük Akademiyasının məsul əməkdaşı Cəmilə Namazova, BƏCİB-in üzvü, Yardımlı rayonunun sayılıb-seçilən ağsaqqallarından olan Mirsəfər Fətiyev, İqtisadiyyat Nazirliyinin əməkdaşı Nəbi Nəbizadə, “Qazilərin Sosial Durumları və Hüquqlarının Müdafiəsi” İB-in sədri Xudu Xudiyev, BƏCİB-in İdarə Heyəti üzvü, AMEA-nın şöbə müdiri Xatirə Cabbarzadə, YAP Mərkəzi Aparatın Həmkarlar Təşkilatının sədri Məhəmməd Məhərrəmov, BƏCİB-in İdarə Heyəti üzvü, 122 Saylı Xankəndi Seçki Dairəsinin sədri Ağalar Əliyev, RŞAİB sədri Camal Əliyev, “Həkəri” qəzetinin Baş redaktoru, şair-publisist Rauf İlyasoğlu, BƏCİB-in Qarabağ Nümayəndəliyinin rəhbəri, Qarabağ müharibəsi veteranı Həsənağa Bayramov və başqa çıxış edənlər şəhidimizin ruhunu əziz tutaraq anası Mətanət xanımla bu görüşün keçirilməsinin iki qardaş ölkələr arasında dostluq və qardaşlıq münasibətlərinin daha da möhkəmlənməsi istiqamətində mühüm rolu olduğunu qeyd etdilər. Şəhidlərimizin, ümumilikdə Müzəffər Ordumuzun bizim üçün qürur yeri olduğunu vurğuladılar.

Şəhid pokovnik-leytenant Rəşad Quliyevin döyüş yoldaşları və dostları-XTQ mənsubu Anar Nəhmədov, Eldəniz Mürsəlov, Rafiq Rəhimov da tədbirdə iştirak edirdilər. Anar Nəhmədov-“Şəhidin şahidi döyüş yoldaşıdır”-deyərək Rəşad Quliyevin döyüşlərdə göstərdiyi qəhrəmanlıqdan söz açdı. 

Tədbirdə Səhiyyə Nazirliyinin əməkdaşı Leyla Seyidəliyeva, BƏCİB-in İdarə Heyəti üzvü və Hərbi işlər üzrə şöbəsinin rəhbəri Nazir Hüseynov, BƏCİB-in Nəzarət-Təftiş Komissiyasının sədri Kamal Quliyev, “İşgəncələrə Qarşı Azərbaycan Komitəsi”nin sədri Elmira Behbudova, Gömrük Akademiyasının əməkdaşı Azər Seyidov, Ekologiya və Təbii Sərvətlər Nazirliyinin əməkdaşı Mehriban Mir-Həsənli, Rəqəmsal İnkişaf və Nəqliyyat Nazirliyinin əməkdaşı Ruhəngiz Qarayeva, Səfərbərlik və Hərbi Xidmətə Çağırış üzrə Dövlət Xidmətinin əməkdaşı Tağı Həsənov, TƏBİB-in əməkdaşı Nərgiz Hacıyeva, DİN-nin əməkdaşı Rüstəm Nəsibov, Qaçqınların və Məcburi Köçkünlərin İşləri Üzrə Dövlət Komitəsinin əməkdaşı Mina Rəşid, AYB  Sədrinin köməkçisi Rauf Aslanov, AYB-nın üzvləri Aynur Kərimova və Qazilə Adıgözəlova, YAP-ın Səbail Rayon Təşkilatının fəalları Bəhlul Əsədov və Cavad İsmayılzadə, BƏCİB könüllüsü Ramil Qəhrəmanov, KİV və ictimaiyyət nümayəndələri də iştirak edirdilər. 

Tədbirin sonunda xatirə şəkli çəkildi.