Macarıstan Ukraynaya kredit verməyi DAYANDIRDI
Macarıstan Ukraynaya 50 milyard dollarlıq kreditin ayrılması ilə bağlı yekun qərarı noyabrın 5-də ABŞ-da keçiriləcək prezident seçkilərinə qədər təxirə salmaq qərarına gəlib.
Bunu Macarıstanın maliyyə naziri Mihali Varqa deyib.
Bundan əlavə, Budapeşt Aİ-nin Rusiyaya qarşı sanksiyalarının uzadılması qərarını təxirə salıb. “Biz hesab edirik ki, bu məsələ, Rusiya sanksiyalarının uzadılması ABŞ seçkilərindən sonra həll olunmalıdır. Gələcək ABŞ administrasiyasının bu məsələdə hansı istiqamətdə hərəkət edəcəyini görməliyik”, - Varqa vurğulayıb.
Xatırladaq ki, Ukraynaya 50 milyard dollar məbləğində kredit ayrılması ilə bağlı G7 ölkələrinin liderləri bu ilin iyununda razılığa gəliblər. Ona xidmətin Rusiya Mərkəzi Bankının Qərbdə dondurulmuş təxminən 300 milyard dollar məbləğində aktivlərindən istifadə ediləcəyi gözlənilir. Avropa İttifaqı bu vəsaitin 35 milyard avroya qədərini verməyə hazırdır, qalanını isə ABŞ və G7-nin digər üzvləri təmin etməlidir.
Eyni zamanda, Vaşinqton Aİ-nin anti-Rusiya sanksiyalarının uzadılması vaxtının nəzərdən keçirilməsində israr edir, onların hər 6 aydan 3 ilə dəyişdirilməsini təklif edir. Bu, ABŞ-ın fikrincə, G7-nin Ukraynaya kreditinin stabil maliyyələşdirilməsini təmin etmək üçün lazımdır.
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.