NDU-da "Naxçıvan müqaviləsinin 15-ci ildönümündə Türk Dövlətləri Təşkilatı” mövzusunda tədbir keçirilib

Naxçıvan Dövlət Universitetinin ölkəmizin milli təhsilinin inkişafı sahəsində həyata keçirmiş olduğu tədbirlər, tarixliklə müasirliyin vəhdəti müstəvisində daha əlamətdar olmaqdadır. Belə ki, bu gün Beynəlxalq Münasibətlərin Təhlili Mərkəzinin və Universitetimizin təşkilatçılıqları ilə "Naxçıvan müqaviləsinin 15-ci ildönümündə Türk Dövlətləri Təşkilatı" mövzusunda konfrans keçirilib.

Konfrans, Azərbaycan Respublikası Prezidentinin Naxçıvan Muxtar Respublikasında səlahiyyətli nümayəndəsi cənab Fuad Nəcəfli, Beynəlxalq Münasibətlərin Təhlili Mərkəzinin İdarə Heyətinin Sədri, Dr. Fərid Şəfiyev, Naxçıvan Dövlət Universitetinin rektoru, dosent Elbrus İsayev, Türk Dövlətləri Təşkilatı Baş Katibinin nümayəndəsi Muradcan Mustafayev çıxış edərək konfransın tarixi, elmi, ictimai, siyasi, mədəni, diplomatik, sosial və iqtisadi mahiyyətindən bəhs etdilər.

Ali məktəbimizin ev Sahibliyi ilə reallaşmış olan tədbir, Türk dünyası üçün aktual olan məsələlərin panellər şəklində müzakirəsi ilə davam etməkdədir.

Konfrans dörd panel üzrə keçirilib:

Birinci panel "Türk Dövlətləri Təşkilatı coğrafiyasında geosiyasi dəyişikliklər";

İkinci panel "Təhlükəsizlik sahəsində əməkdaşlıq"

Üçüncü panel "İqtisadi və ticari əlaqələr";

Dördüncü panel isə, "Enerji və nəqliyyat sahəsində əməkdaşlıq" məsələlərini əhatə erməkdədir.