Şahmatçıların 45-ci Olimpiadası başa çatıb

Azərbaycanın kişi komandası 8-ci, qadın millisi isə 15-ci yeri tutub 

Macarıstanın paytaxtş Budapeştdə kişi və qadın şahmatçılar arasında keçirilən və Azərbaycan komandalarının da iştirak etdiyi 45-ci Ümumdünya Şahmat Olimpiadasına 11-ci turla yekulub. Heyəti Şəhriyar Məmmədyarov, Rauf Məmmədov, Aydın Süleymanlı, Nicat Abbasov və Məhəmməd Muradlıdan ibarət olan kişi millimiz son turda Braziliya komandası ilə üzləşib. Görüş Azərbaycan komandasının 3:1 hesablı qələbəsi ilə bitib. Oyunda Məmmədyarovla Məmmədov rəqibini məğlub edib. Süleymanlı ilə Abbasov isə rəqiblə xal bölüb. Bu qələbədən sonra kişi millimiz aktivindəki xalların sayını 16-ya çatdırıb. Bu isə millimizə 197 komanda arasında yalnız 8-ci olmaq imkanı verib. Olimpiadada ilk üç yeri müvafiq ardıcıllıqla Hindistan (21 xal xal), ABŞ və Özbəkistan (hərəyə 17 xal) bölüşüb.

Heyətində Gunay Məmmədzadə, Ülviyyə Fətəliyeva, Gövhər Beydullayeva, Xanım Balacayeva və Gülnar Məmmədovanın cəmləşdiyi qadın millimiz isə son turda turnirin qalibi olan Hindistanla qarşılaıb. Görüş hindlilərin 0,5:3,5 hesablı qələbəsi ilə bitib. Qarşılaşmada yalnız Ülviyyə Fətəliyeva rəqiblə xal bölə bilib. Məmmədzadə, Beydullayeva və Balacayeva isə məğlub olub. 

Bununla da Azərbaycan 11 turdan sonra topladığı 15 xalla çıxışını 184 qadın millisi arasında 15-ci yerdə başa vurub. 

Qadınların yarışında isə ilk üz yeri Hindistan (19 xal), Qazaxıstan (18 xal) və ABŞ (17 xal) tutub. 

İNTİQAM Məmmədov