"Qarabağ"ın Avropa Liqasındakı rəqibləri bəlli olub

Bu gün futbol üzrə UEFA Avropa Liqasının əsas mərhələsinin püşkatma mərasimi keçirilib. Qeyd edək ki, Azərbaycan çempionu "Qarabağ"da daxil olmaqla Kphnə Qitənin 36 klubu 4 qrupda (hərəsində 9 klub) mübarizə aparacq. Yeni formatda keçirilməsi nəzərdə tutulan bu nərhələdə klublar  dördü evdə, dördü səfərdə olmaqla 8 oyun keçirəcəklər. Püşkün nəticəsindən asılı olaraq, "Qarabağ" klubu əsə mərhələdə "Tottenhem" (İngiltərə), "Ayaks" (Hollandiya), "Olimpiakos" (Yunanıstan), "Lion" (Fransa), "Malme" (İsveç), "Elfsborq" (İsveç), "Bude-Qlimt" (Norveç) və FKSB (Rumıniya) ilə üzləşəcək. Çempionumuz bu komandaların 4-ü ilə evdə, 4-ləsə səfərdə qarşılaşacaq. 

Qeyd edək ki, ağdamlılar "Tottenhem", "Olimpiakos", "Bude-Qlimt" və "Elfsborq"u doğma divarlar arasında qəbul edəcək. "Ayaks", "Lion", "Malme" və "FKSB"-nin isə qonağı olacaq. 

Qaydalara əsasən əsas mərhələnin 36 klubu arasından ən yaxşı 8 klub birbaşa 1\8 finala yüksələcək. 9-24-cü yerlərin sahibləri bu səkkizliyə qatılmaq üçün pley-offdan keçəcəklər. Əsas mərhələdə 25-36-cı yerlər tutan klublar isə Avrokubolıa vidalaşacaq. 

Əsas mərhələdə keçiriləcək 8 oyunun təqvimi də hazırdır: 

1-ci tur: 25/26 sentyabr 2024-cü il;
2-ci tur: 3 oktyabr 2024-cü il;
3-cü tur: 24 oktyabr 2024-cü il;
4-cü tur: 7 noyabr 2024-cü il;
5-ci tur: 28 noyabr 2024-ci il;
6-cı tur: 12 dekabr 2024-cü il;
7-ci tur: 23 yanvar 2025-ci il;
8-ci tur: 30 yanvar 2025-ci il.

Qeyd: "Qarabağ" klubu UEFA Çempionlar Liqasının pley-off mərhələsində Zaqreb (Xorvatiya) "Dinamo"suna iki oyunun ümumi cəmində 5:0 (evdə 0:2, səfərdə 0:3) hesabla uduzaraq, qitənin ən nüfuzlu klub turniri ilə vidalaşandan sonra Avropa Liqasının birbaşa əsas mərhələsində iştirak etmək hüququ qazanıb. 

İNTİQAM Məmmədov