Yunan-Roma güləşçilərimiz Həsrət Cəfərov Olimpiada-2024-də üçüncü olub

Fransanın paytaxtı Parisin ev sahibliyi etdiyi və Azərbaycan idmançılarının da mübarizəyə qatıldığı Yay Olimpiya Oyunları (Olimpiada-2024) davam edir. Olimpiadanın dünənə təsadüf edən 16-cı günü Azərbaycan yığması üçün uğurlu olub. Belə ki, həmin gün bürünc medal uğrunda görüşə çıxan yuan-Romaçımız Həsrət Cəfərov 67 kq) görüşünü qələbə ilə başa vuraraq Olimpiada-2024-də Azərbaycan komandasının medal sayını 4-ə çatdırıb (2-1-1). O, bürünc medal uğrunda keçirdiyi görüşdə Qırğızıstan təmsilçisi Amantur İsmayılov üzərində inamlı qələbə qazanıb - 8:0. 

Yeri gəlmişkən, Cəfərovun qazandıqi medal Yunan-Roma güləşi üzrə yiqmamizin Olimpiadalarda əldə etdiyi 8-ci (1-2-5), Azərbaycanin ümumi medal sayında isə 53-cü (9-15-29) olub.

Paris-2024-ün bitməsinə 3 qalıb. Olimpiada-2024-ə 41 lisenziya sayəsində qatılan 48 idmançımızdan 4 medalımız da daxil olmaqla 38 təmsilçimiz artıq çıxışını başa vurub. Azərbaycan hazırda 4 (2-1-1) medalla Paris-2024-ün medal sıralamasında 24-cü yerdədir. İlk üçlüyü isə müvafiq ardıcıllıqla ABŞ 103 (30-38-35), Çin 73 (29-25-19) və Avstraliya 45 (18-14-13) tutur. Olimpiadaya ev sahibliyi edən Fransa 54 (14-19-21) medalla dördüncü pillədədir. Türkiyə 5 (0-2-3) qazandıqi 5 medalla 6-ci yerdədir. Mənfur qonşumuz olan ermənilər isə 3 (0-2-1) medalla 63-cü yerdədir.

Qeyd: Boksçumuz Alfonso Dominqes (92 kq) finala yüksəlməklə daha bir medal (ən pis halda gümüş) qazanıb. Onun medalı avqustun 10-da baş tutacaq həlledici finaldan sonra reallaşacaq. Bu qızıl əyarlı da ola bilər. Belə olacaqı təqdirdə Azərbaycan medal sıralamasında da xeyli irəliləyə biləcək.

İNTİQAM Məmmədov