Azərbaycan idmançıların sayına görə Paris-2024-də 206 ölkə arasında 53-cüdür 

Dörd gündən sonra (26 iyulda) Fransanın paytaxtı Parisdə 4 illiyin zirvə yarışı olan Olimpiada-2024-ə (Yay Olimpiya Oyunları) start veriləcək. Bu arada BOK iştirakçıların sayına görə, ölkələrin sıralanma cədvəlini açıqlayıb. Qeyd edək ki, qazandığı 41 lisenziya sayəsində oyunlara 48 idmançı ilə qatılacaq Azərbaycan komandası 206 ölkə arasında 53-cü yerdədir. 

İlk üçlükdə isə ABŞ (592 idmançı), ev sahibi Fransa (573) və Avstraliya (460) yer alıb. 

Yeri gəlmişkən, Azərbaycanı Olimpiada-2024-də təmsil edəcək idman növlərini və idmançıları bir daha təqdim edirik: 

İdman güləşi: 

Murad Məmmədov (60 kq), Həsrət Cəfərov (67 kq), Sənan Süleymanov (77 kq), Rafiq Hüseynov (87 kq) və Sabah Şəriəti (130 kq, hamısı yunan-Roma güləşi), Əliabbas Rzazadə (57 kq), üçqat dünya çempionu Hacı Əliyev (65 kq), Turan Bayramov (74 kq), Osman Nurmaqomedov (86 kq), Maqomedxan Maqomedov (97 kq) və Qeorqiy Meşvildşvili (125 kq, hamısı sərbəst güləş), Mariya Stadnik (50 kq, qadın güləşi);
 

Cüdo: 

Leyla Əliyeva (48 kq), Gültac Məmmədeliyeva (52 kq), Balabəy Aqayev (60 kq), Yaşar Nəcəfov (66 kq), Hidayət Heydərov (73 kq), Zəlim Tskayev (81 kq), Elcan Haciyev (90 kq), Zəlim Kotsayev (100 kq) və Uşanqi Kokuari (+100 kq);

Boks:

Nicat Hüseynov (51 kq), Malik Həsənov (63,5 kq), Murad Allahverdiyev (80 kq), Alfonso Dominqes (92 kq) və Məhəmməd Abdullayev (+92 kq);

Bədii gimnastika: 

Zöhrə Ağamirova (fərdi yaşayış), Ləman Əlimuradova, Yelizaveta Luzan, Zeynəb Hümmətova, Güllü Aqalarzadə və Darya Sorokina (qrup hərəkətləri üzrə yığma); 

Badminton:

Edi Reski Dvicao, Keyşa Fatima Zəhra;

Üzgüçülük:

Məryəm Seyxalizadexanqyax, Ramil Vəlizadə;

Güllə atıcılığı: Ruslan Lunyev (10 metr məsafəyə atəş açma;

Atletika: 

Anna Skidan (metal çəkic atmaq);

Batut: 

Selcan Maqsudov (batutda tullanmaq): 

Taekvondo:

Həşim Maqomedov (58 kq);

3x3 basketbolu (qadın millisi):

Heyət - Dina Ulyanova, Tiffani Heys, Aleksandra Mollenxauer və Mersedes Uolker;

Avarçəkmə:

Diana Dimcenko (2000 metr məsafəyə yürüş;

Qılıncoynatma:

Anna Başta (sablya, fərdi): 

Triatlon: 

Rostislav Pevtsov;

Kamandan oxatma:

Yaylagül Ramazanova.

İNTİQAM Məmmədov