"Qırmızı furye" "xoruzlar"dan güclü oldu 

İspaniya millisi Avro-2024-ün ilk finalçısıdır 

Almaniyada futbol üzrə keçirilən Avropa çempionatında dünən yarımfinal mərhələnin ilk oyunu keçirilib. Söhbət Münhen şəhərindəki "Allianz Arena'-da baş tutan İspaniya - Fransa matçından gedir. Bu oyun son on ildə rəqiblər arasında sayca dördüncü matç idi. Bura qədər keçirilən üç oyunun ikisində Fransa, birində isə İspaniya millisi qalib gəlmişdi. Ümumi hesab "xoruzlar"ın xeyrinə idi - 1:2. Bu oyunda "Qırmızı furye" qalib gəlməklə balansı bərabərləşdirib - 2:2. Dünən gerçəkləşən İspaniya - Fransa matçına gəlincə, olduqca gərgin mübarizə şəraitində keçən və prinsipial xarakter daşıyan bu oyunda hesabı fransızlar açsalar da, qarşılaşma İspaniya millisinin minimal hesablı (2:1) qələbəsi ilə bitib. Qeyd edək ki, oyunun 9-cu dəqiqəsində Kilian Mbappenin ötürməsindən sonra Kopo Miami hesabı açaraq "xoruzlar"ı hesabda irəli çıxarıb - 0:1. 

Matçın 21-ci dəqiqəsində isə İspaniya millisinin 19 yaşlı gənc forvardi Lamin Yamal Alvaro Moratonun (kapitan) ötürməsinı qola çevirməklə pozulmuş statusu bərpa edib - 1:1.

Bundan dörd dəqiqə sonra isə ispaniyalı Dani Olma dəqiq zərbə ilə ispanları hesabda irəli çıxarıb - 2:1.

Bu matçda vurulan soncu qol kimi yadda qalıb. İspaniya millisi Avropa çempionatlarında yeni rekordla da diqqət çəkib. Belə ki, "Qirmizi furye" Avropa çempionatlari tarixinə bir çempionat ərəfəsində keçirdiyi ilk alti oyunun hamısını qələbə ilə başa vuran komanda kimi tarixə düşüb. 

Xatırladaq ki, yarımfinalda Fransadan güclü olan İspaniya bundan əvvəl qrup mərhələsində Xorvatiya (3:0), İtaliya (1:0), Albaniya (1:0) millisini, 1/8 finalda Gürcüstanı, (4:1) 1/2 finalda isə Almaniyanı minimal hesabla (2:1) üstələyib.

Beləliklə, İspaniya millisi Avro-2024-un ilk finalçısı olub. Onun rəqibi isə bu gün axşam saatlarında İngiltərə və Hollandiya arasında keçiriləcək digər yarımfinal oyunun qalibi olacaq. 

Final iyulun 14-də Berlində keçiriləcək.

İNTİQAM Məmmədov