Fransa 1/4 finalda Portuqaliya millisini üstələyib

Almaniyada futbol üzrə keçirilən Avropa çempionatında dünən gecə saatlarında 1/4 final mərhələnin daha bir oyunu keçirilib. Hamburq şəhərindəki "Volksparkstadion"da ikiqat Avropa çempionu adını daşıyan Fransa millisi ilə Avropanın Braziliyasi adlanan Portuqaliya yığması qarşılaşıb. Olduqca maraqlı və gərgin mübarizə şəraitində keçən və Portuqaliya millisinin az da olsa üstünlüyü hiss edilən həmin oyunda qələbəni qeyd edən və yarımfinala adlayan fransızlar olublar. Qeyd edək ki, matçın nə əsas, nə də əlavə hissəsində qapılara qol vurulmayıb - 0:0. Qalibi aşkar etmək yalnız oyundan sonra qapılara vurulan penaltılər seriyasında aşkarlanıb. Bu mübarizədə Fransa millisi daha dəqiq olub - 5:3.

Fransa millisindən Usman Dembele, Yussuf Fofana, Jyul Kunde, Bredli Barkolya və Teo Ernandes qapını dəqiq nişan alıb. Portuqaliya millisindən isə Kristiano Ronaldo, Bernard Silva və Bunu Mendes dəqiq olsa da, Joau Felksin topu qapı dirəyinə vurması demək olar ki, matçın taleyini həll edib. 

Oyunun ən yaxşısı futbolçusu adına fransalı Usman Dembele layiq görülüb. Qeyd edək ki, 67-ci dəqiqədə Antuan Qrizmanni əvəz edən Dembele meydanda olduqu 53 dəqiqə ərzində çox fəal oynayıb və bir neçə dəfə portogezlərin qapısında təhlükə yarada bilib.

Bu oyunu Klian Mbappe - Kriştiano Ronaldo qarşılaşması kimi də dəyərləndirirlər. Lakin Ronaldo 120 dəqiqə meydanda olduqu halda, Mbappe əvəzlənərək meydanı tərk edib və penaltilər seriyasına qatılmayıb. Ronaldo isə Avro2024-ün əvvəlki oyunlarında olduğu kimi bu dəfə də oyun zamanı qol vura bilməyib.

Beləliklə, 1/4-də Portuqaliya millisini mübarizədən kənarlaşdıran Fransa yığması iyulun 9-da yarımfinalda İspaniya ilə üzləşəcək.

İNTİQAM Məmmədov