ABF prezidenti Sahil Babayev olimpiyaçı boksçularla görüşüb
Bu gün Azərbaycan Boks Federasiyasının prezidenti Sahil Babayev və idarə heyətinin üzvləri Paris-2024 Yay Olimpiya Oyunlarına lisenziya qazanan boksçularla görüşüblər.
Sahil Babayev boksçularımızın Paris-2024 Yay Olimpiya Oyunlarına beş çəki dərəcəsində lisenziya qazanmasını yüksək qiymətləndirib. O, əsas hədəfin boksçularımızın Parisdə qızıl medal qazanması olduğunu vurğulayıb.
"Azərbaycanın 5 çəki dərəcəsində Paris-2024-ə lisenziya qazanması yüksək nəticədir. Bu göstərici dünyada 4-cü (hərəyə 7 lisenziya qazanan Özbəristan, Qazaxıstan və 6 lisenziyalı Avstraliyadan sonra), Avropada isə birincidir. Parisdə əsas məqsədimiz qızıl medal qazanmaqdır" - Sahil Babayev deyib.
Tədbirdə iştirak edən yığmanın kubalı baş məşqçisi Pedro Roke boksçular üçün yaradılan şəraitə görə federasiya rəhbərliyinə təşəkkür edib və Parisdə boksçularımızın medal qazanmaları üçün hazırlıq prosesində var gücü ilə işləyəcəyini bildirib.
Yeri gəlmişkən, Azərbaycan Paris-2024 Yay Olimpiya Oyunlarının proqramına daxil olan boks yarışında Nicat Hüseynov (51 kq), Malik Həsənov (63,5 kq), Murad Allahverdiyev (80 kq), Alfonso Dominqes (92 kq) və Maqomed Abdullayevdən (+92 kq) ibarət beşliklə təmsil olunacaq.
İNTİQAM Məmmədov
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.