Bakıda çövkən oyunu üzrə dünya çempionatı start götürüb

Bu gun Binə Atçılıq Mərkəzində atçılıq idmanının ən populyar növü olan Çövkən üzrə ilk dünya çempionatına start verilidi.

Oyunların startından öncə mundilain rəsmi açılış mərasimi oldu. Açılış mərasimində ARAF-ın (Azərbaycan Respublikası Atçılıq Federasiyası) vitse-prezidenti Bəsirət Quliyev çıxış edərək çövkən oyunu haqda ətraflı məlumat verdi. Bu idman növünün məhz bizim populyar milli idman növümüz olduqunu qeyd edən federasiya rəsmisi ölkəmizdə covkənin inkişaf etdirilməsi üçün ölkə başçısı İlham Əliyevin və birinci ledi Mehriban Əliyevanın diqqət və qayğısindan danışdı. O, ölkəmizdə bu ildən etibarən ilk dəfə 10 komandanın iştirakı ilə Peşəkar Çövkən Liqasının keçirildiyini də vurğuladı. Sonda isə B.Quliyev çempionat iştirakçılarına uğurlar dilədi.

Quliyevin ardından söz alan Beynəlxalq Çövkən Federasiyasının prezidenti Bəhruz Nəbiyev mundialı açıq elan etdi. İştirakçı komandaların atlı paradında sonra isə çempionata Azərbaycan -Qazaxistan matci ilə start verildi. Maraqlı oyun Azərbaycan komandasının 5:0 hesablı qələbəsi ilə başa çatdı. İlk yarısı 1:0 hesabla bitən həmin oyunda komandamızın kapitanı Elçin Camallı dubla imza atdı. 

Bu gün eyni məkanda daha üç oyun keçirildi.

Nəticələr belədir:

Mərakeş - Küveyt - 5:0;

Nigeriya - Almaniya - 5:0;

Türkiyə - Malta - 5:1.

Qeyd edək ki, mundialda mübarizə aparan komandalar iki qrupda mübarizəyə başlayıblar.

A qrupunda: Azərbaycan, Qazaxıstan, Türkiyə, Malta, Özbəkistan;

B qrupunda: Mərakeş, Küveyt, Nigeriya, Almaniya və Polşa.

Mundiala iyunun 16-da üçüncü yer uğrunda və final oyunu ilə yekun vurulacaq.

Qeyd: Qaydalara görə qalibiyyətə görə komandaya 3, heç-heçəyə görə 1 xal verilir. Oyunlar hərəsi 15 dəqiqə olmaqla iki hissədən ibarətdir. Hissələr arasında 10 dəqiqə fasilə olur. Komandaların meydana çıxan heyəti dörd nəfərdən ibarət olur (iki hücumçu, bir yarımmüdafiəçi və bir müdafiəçi).

İNTİQAM Məmmədov