Qadın voleybol millimiz QAL-nı məğlubiyyətlə bitirib

Azərbaycan komandaları da daxil olmaqla 12 kişi və eyni sayda qadın komandası arasında keçirilən Qızıl Avropa Liqasında bu gün üçüncü turun son oyunları olub. Qeyd edək ki, turnirin son turunu doğma divarlar arasında keçirən Azərbaycanın qadın voleybol klubu Bakı Voleybol Mərkəzində axırıncı matçını Avstriya millisinə qarşı keçirib. Təəssüflər olsun ki, millimiz doqma publika qarşında meydanı məqlub durumda tərk edərək öz azarkeşlərini məyus edib. Matçın ilk iki şetini öz xeyrinə (25:23, 25:19) bitirən komandamız bundan artiqini edə bilməyib. Nəticədə rəqib əvvəlcə hesabda bərabərlik (23:25, 16:25) yaradıb. Bundan sonra matç tay-brekə uzanıb. Tay-brekdə isə yenə də rəqib fəal olub - 8:15. 

Bununla da Azərbaycan yiqmasi Qızıl Avropa Liqasında keçirdiyi 6 oyunun yalnız ikisində qalib gələ bilib. Nəticədə də qadın yığmamız sözügedən turnirdə çıxışını 7 xalla 12 komanda arasında yeddinci yerdə bitirib. 

Yeri gəlmişkən, kişi voleybol komandamız isə analoji turniri cəmi bir xalla 12 komanda arasında sonuncu pillədə başa vurub.

Qeyd: Reqlamentə görə, həm kişilərin, həm də qadınların turnirində ilk 4 yeri tutan komanda mübarizəni "dördlər finali"nda davam etdirmək hüququ qazanıb.

İNTİQAM Məmmədov