ABŞ Ukraynanı nüvə fəlakətinə hazırlamağa başladı

Vaşinqton potensial nüvə insidentləri halında Ukraynaya xüsusi texnika ötürür.

Bu barədə ABŞ Energetika Nazirliyinin Milli Nüvə Təhlükəsizliyi Administrasiyasının rəhbəri Cil Hrubi bildirib. 

Onun sözlərinə görə, ABŞ administrasiyası Ukraynadakı nüvə risklərini azaltmağa çalışır, o cümlədən “Ukraynanın nəzarəti altında qalan atom elektrik stansiyalarının təhlükəsiz istismarını təmin etmək üçün avadanlıq, təlim və texniki təlimatların ötürülməsi”. O əlavə edib ki, Vaşinqton eyni zamanda Ukraynanın elektrik şəbəkələri kimi kritik infrastrukturunun mühafizəsini təkmilləşdirmək, həmçinin ölkədə yaranan hər hansı nüvə fövqəladə vəziyyət barədə situasiya məlumatlılığını təmin etmək üzərində işləyir. 

Zaporojye Atom Elektrik Stansiyasının (ZNPP) kommunikasiyalar üzrə direktoru Yevgeniya Yaşina bildirib ki, Beynəlxalq Atom Enerjisi Agentliyinin ekspertləri artıq Ukrayna Silahlı Qüvvələrinin Zaporojye Atom Elektrik Stansiyasına və Enerqodara son hücumları barədə məlumatlandırılıblar. Mayın 22-də Ukrayna hərbçiləri kamikadze pilotsuz uçan aparatdan istifadə edərək Zaporojya AES-in nəqliyyat sexinin ərazisinə hücum ediblər. Tələfat və kritik dağıntı olmayıb. Bundan əlavə, son iki gündə stansiyanın yerləşdiyi Enerqodar bir neçə dəfə hücuma məruz qalıb. Zərbələr çoxmərtəbəli yaşayış binalarına və sosial obyektlərə dəyib.