Qadın voleybol millimiz Slovakiya ilə qarşılaşacaq 

Dünən kişi və qadın voleybolçular arasında startı verilən və Azərbaycan komandalarının da iştirak etdiyi Qızıl Avropa Liqasının birinci turu ( mərhələsi) davam edir. 

Xəbər verdiyimiz kimi, baş məşqçi Fərid Cəlilovun rəhbərlik etdiyi kişi yiqmamiz ilk turun oyunlarını doqma divarlar arasında, təcrübəli mütəxəssis Faiq Qarayevin başçılıq etdiyi qadın millimiz isə Xorvatiyada kecirir. Qeyd edək ki, dünən ilk oyunda Rumıniyaya 0:3 hesabla uduzan kişi voleybol komandamız bir günlük fasilədən sonra sabah Ukrayna ilə görüşə çıxacaq.

Dünən ilk oyunda ev sahibi Xorvatiyanı quru hesabla (0:3) məğlub edən qadın voleybol yığmamız isə bu gün birinci tur (mərhələ) çərçivəsində ikinci matçını Slovakiyaya qarşı keçirəcək ( saat 17:00). 

Yeri gəlmişkən, qadın voleybol yığmamız ikinci turun oyunlarını 24-26 may günlərində  Rumıniyada keçirəcək. Rəqibsə ev sahibi və İsveç millisi olacaq. Nəhayət ki, turnirin üçüncü turu mayın 31-dən iyunun 2-dək Bakıda olacaq. Rəqiblərə gəlincə, bunlar Estoniya və Avstriya komandası olacaq.

Həm kişilərin, həm də qadınların yarışında ilk üç turdan sonra ən çox xal toplayan 4 ən yaxşı komanda "dördlər finali"-dan mübarizəni davam etdirəcək.

İNTİQAM Məmmədov