Umud Mirzəyev:

SAĞLAM ƏTRAF MÜHİT VƏ MİNA MÖVZUSUNDA BEYNƏLXALQ FORUMDA YÜKSƏK SƏVİYYƏDƏ İŞTİRAK ETDİK

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin təşkilatçılığı və ANAMA-nın tərəfdaşlığı ilə “Dayanıqlı inkişaf məqsədlərinə nail olmaq üçün sağlam ətraf mühit və minasız həyat” adlı forumda Beynəlxalq Avrasiya Mətbuat Fondu olaraq yüksək səviyyədə iştirak etdik. Forumun açılış mərasimində 20 il bundan əvvəl Mina Təhlükəsi ilə Mübarizə Proqramına qoşulan bir QHT rəhbəri kimi də çıxış etmək mənə nəsib oldu. İnsafən etdiyim çıxış da auditoriya tərəfindən rəğbətlə qarşılandı. Forumda mənimlə birlikdə BAMF üc nəfər nümayəndə ilə təmsil olunurdu. BAMF ın Media Departamentin rəhbəri Fuad Abbasov və BAMF ın Hollandiya nümayəndəsi Henri Van Rens də forumun iştirakçıları arasında idi. Henri ilə xeyli vaxtdır ki dostluq əlaqələrimiz yaranıb və son üç ildə isə onunla yaxından əməkdaşlıq edirik. O, Azərbaycanı candan könüldən sevir, Qarabag müharibəsi zamanı həmişə birmənalı şəkildə Azərbaycanın yanında olub . Vətəndaşı olduğu Hollandiyanın anti Azərbaycan siyasətini həmişə acıq aşkar tənqid edib. Üç aya yaxındır ki mənim şəxsi dəvətimlə Azərbaycana gəlib. Hazırda Henri Qarabağın tarixi və Qarabag savaşı ilə baglı böyük bir kitab üzərində işləyir. BAMF ın əməkdaşları da ona bu işdə yaxından köməklik göstərirlər. Son illər Henri mənimlə birlikdə bütün Qarabağı qarış qarış gəzib, dağıdılmış kəndləri, qəsəbələri, viran edilmiş məzarlıqları, minalarla çirkləndirilmiş əraziləri öz gözləri ilə görüb, minadan zərərçəkənlərlə görüşmüşdür. Henri bütün bu işləri təmənna güdmədən, heç bir dəstək olmadan etmiş və bu gündə davam etməkdədir. Onun Foruma qatılması da ölkəmizi daha yaxşı tanıması , eləcə də tanıtması və yeni yeni əlaqələrinin qurulması baxımından çox önəmlidir.