Qadın voleybolumuzun flaqmanı 8-ci çempionluğunu qazanıb 

Bu gün qadın voleybol klublarının mübarizə apardığı Azərbaycan çempionatının Yüksək Liqasında həlledici final oyunu ilə 2023\2024-cü illər mövsümünə yekun vurulub. Qeyd edək ki, Bakı İdman Sarayında keçirilən final matçında Azərbaycan qadın voleybolunun flaqmanı "Azərreyl"lə "Abşeron" klubu qarşılaşıb.  Minlərlə voleybol həvəskarının maraqla izlədiyi və olduqca prinsipial xarakter daşıyan həmin oyun flaqmanın qələbəsi ilə başa çatıb -  3:1 (25:13, 15:25, 25:21, 25:21).  "Açşeron" klubu flaqmandan yalnız bircə set qopara bilib. Bununla da "Azərreyl" klubu öz karyerasında sayca 8-ci dəfə Azərbaycan çempionu adını qazanıb. Buna qədər isə "Azəreyl" 7, "Abşeron" isə 1 dəfə çempion olmuşdu. 

Yeri gəlmişkən, üç gün öncə Bakı Voleybol Mərkəzində keçirilən üçüncü yer uğrunda oyunda isə "Murov Az Terminal" "Gəncə"dən üstün olaraq bürünc medal qazanıb.

Xatırladaq ki, bir gün öncə isə kişi klubların mübarizə apardığı çempionat başa çatıb. Bu yarışda isə ilk üç yeri müvafiq ardıcıllıqla "Azərreyl", "Murova Az Terminal" və "Neftçi" klubu tutub.  

Qeyd edək ki, final matçından dərhal sonra komandaların mükafatlandırılması və çempionatın bağlanış mərasimi olub. Bununla da klublar 2024-cü ilin sentyabr ayına qədər fasiləyə çıxıblar. 

İNTİQAM Məmmədov