Musiqinin əhval və emosiyaya təsiri: Kədərli mahnılar sizi daha yaxşı hiss etdirə bilər

Yapon alimləri insanların niyə bəzən “ağlayan” sentimental melodiyalara cəlb olunduğu sualına cavab tapıblar. Ai Kawakami, Tokio Universiteti və Fizika və Kimya Tədqiqatları İnstitutundan (RIKEN) olan həmkarları ilə birlikdə, peşəkar musiqiçilər və musiqidən heç bir məlumatı olmayan insanlar da daxil olmaqla 44 könüllüdən ibarət bir qrup topladı. Könüllülərdən iki kədərli əsəri və bir müsbət əsəri dinləyərkən onların emosional vəziyyətindəki dəyişikliyi qiymətləndirmələri xahiş olunub. Məlum olub ki, kədərli, “faciəli” əsərlər dinləyicilərdə ziddiyyətli hisslər oyadır. Bir tərəfdən iştirakçılar musiqinin doğurduğu mənfi təcrübələrdən danışsalar da, digər tərəfdən “parlaq kədərin” bəzi simlərə toxunduğunu qeyd ediblər. 

Tədqiqat liderlərinin fikrincə, musiqi və ya məsələn, rəsm vasitəsilə alınan mənfi təəssüratlar əslində əhval-ruhiyyəni yaxşılaşdırmağa kömək edir, çünki onlar heç bir real təhlükə daşımır. Bu, insanlara mənfi emosiyaları yenidən düşünməyə və onları idarə etməyi öyrənməyə kömək edir. “Kədərli” musiqi parçaları da insana xoş xatirələrə qərq olan romantik hissləri xatırlada bilər, hansı ki, insan onları müəyyən notlar ardıcıllığı ilə müəyyən etməyə başlayır. Bir qədər əvvəl Missuri Universitetinin tədqiqatçıları öz araşdırmalarında tam əks nəticəyə gəldilər: əhvalınızı yüksəltmək üçün pozitiv kompozisiyaları dinləmək lazımdır, lakin bu, yalnız insan şüurlu şəkildə onun köməyi ilə özünü şadlanmaq istədikdə işləyir.