Azərbaycan "Böyük İpək Yolu"nda 21 medalla ikinci olub

Martın 24-də Bakıdakı Boks Mərkəzində kişi və qadın boksçular arasında startı verilən "Böyük İpək Yolu" Beynəlxalq Turnirə martın 28-də kişilərin həlledici final döyüşləri ilə yekun vurulub. Qeyd edək ki, kişilərin 13, qadinlarinsa 5 çəki dərəcəsində mübarizə apardığı bu turnirdə Azərbaycan 34 kişi və 9 qadın boksçu ilə təmsil olunub. 

Beş gün davam edən turnirdə Azərbaycan 5-i qızıl, 6-si gümüş və 10-u bürünc əyarlı olmaqla 21 medal qazanıb. Bu medallardan 9-u (2+3+4) qadınların, 12-si (3+3+6) kişilərin aktivinə yazılıb. Bu göstərici ilə, Azərbaycan yığması komanda hesabında Özbəkistandan (5+7+6) sonra ikinci yeri tutub. Turnirdə ilk üçlüyü Qazaxıstan (3+2+1) tamamlayıb.

Xatırladaq ki, turnirin son günü Azərbaycan yığmasının 6 üzvü çempionluq uğrunda final döyüşünə çıxıb. Finalcilarimizdan Həsən Məlikov (48 kq), Şamil Əsgərov (57 kq) və Tayfur Əliyev (63,5 kq) həlledici döyüşünü də qələbə ilə başa vuraraq qızıl medal qazanıb. Bu triomuzdan fərqli olaraq, digər uciuyimuz - Erzak Bəbirov (60 kq), Murad Allahverdiyev (86 kq) və Olimpiya mükafatçısı Alfonso Dominqes (92 kq) isə çıxışını ikinci pillədə başa vurmaqla, gümüş medalla kifayətlənib.

Yeri gəlmişkən, daha iki təmsilçimiz - Şamil Əsgərov turnirin ən yaxşı boksçusu, Nəsrəddin Məmmədovsa ən yaxşı hakim adına layiq görülüb.

Turnirdə Azərbaycan, Özbəkistan, Qazaxıstan, Qirqizistan, Pakistan, Tacikistan, Macarıstan, Rusiya, İran, İtaliya və Polşa təmsilçiləri iştirak ediblər.

İNTİQAM Məmmədov