Elman Eldaroğlu: 

Səhnədə başqası, həyatda özü olan aktyor

Səhnədə müxtəlif rollara girib hər tip adam obrazı yarada bilsə də, həyatda yalnız özü olan və daim yaxşı adam olmağa çalışan, Sumqayıt Dövlət Dram Teatrının aktyoru Rauf Ağakişiyevin növbəti ad günüdür...

Rauf 1972-ci ildə Sumqayıt şəhərində anadan olub. 1997-ci ildə Azərbaycan Dövlət Mədəniyyət və İncəsənət Universitetinin dram-kino aktyorluğu fakültəsini bitirərək, təyinatını Hüseyn Ərəblinski adına Sumqayıt Dövlət Musiqili-Dram Teatrına alıb. 1998-ci ildə isə Mədəniyyət Nazirliyi tərəfindən Dağıstan Respublikasının Dərbənd şəhərində yeni açılmaqda olan Azərbaycan Dövlət Dram Teatrına göndərilib. İki il orada çalışdıqdan sonra doğma Sumqayıt teatrına qayıdıb. Hazırda həmin teatrda çalışır. Gözəl səs tembiri var. Məharətli aktyor, mədəni-kütləvi tədbirlərin əvəzsiz aparıcısıdır...

Hafiz Eynullayev:

Rauf Ağakişiyev istedadlı aktyor olmaqla yanaşı,həm də çox mərd,ləyaqətli,etibarlı insandır Güvəniləsi yol yoldaşıdır Başqalarının probleminə biganə deyil Sumqayıt Dövlət Dram Teatrının səhnəsində,bədii film və tamaşalarda,seriallarda çeşidli obrazlar yaradıb Şəhər tədbirləri onsuz keçmir Bədii qiraət ustasıdır

Rauf əsasən dramatik-psixoloji rollar oynasa da, komediyada da eyni mükəmməlliyi nümayiş etdirir İnşəallah,növbəti ad gününə Xalq artisti fəxri adına layiq görülər

Elman,səmimi yazına görə çox sağ ol.

 

Etibar Bennayev:

Rauf bu günün mübarək. Sən istedadlı aktyorsan, oynadığın bütün tamaşalar həmdə sənə görə baxılır və sevilir. Elman demiş özünə məxsus səs tembrindən də olmaz. Sən həmdə yaxşı insan, sədaqətli və təmannasız dostsan. Sağlam həyat arzulayıram, uğurlar sənə.

QEYD. Sarı fonda verilən başlıqlar "Facebook" sosial şəbəkəsindəki başlıqla eynilik təşkil edir.

Deyir ki,- “Teatrımız yarım milyondan çox əhalisi olan Sumqayıtın yeganə peşəkar teatrıdır. Təəssüf edirəm ki, hazırda aşağı kateqoriya ilə işləyirik. Arzu edirəm ki, teatrımız Ağalar İdrisoğlunun rəhbərliyi dövründəki əvvəlki şöhrətini özünə qaytara bilsin, bütün aktyorarın maddi vəziyyəti yaxşılaşdırılsın və hər bir layiqli aktyor öz dəyərini, qiymətini alsın. Axı teatr aktyorlar üçün yeganə iş yeri və ikinci evdir...”

Onunla ilk dəfə 2009-cu ildə çox istedadlı mədəniyyət işçisi Hafiz Ataxanlının vasitəsi ilə tanış olmuşuq. Həmin il mərhum kimyaçı alim Nərçə Ağayevin 70 illik yubileyini şəhər səviyyəsində keçirməyi qərara almışdıq. Tədbirdə şəhər rəhbərliyi, mərhumun məmur yoldaşları, həmyerliləri də iştirak edəcəkdi deyə, gözəl səsli peşəkar aparıcıya ehtiyac var idi. Bu işi məhz Rauf Ağakişiyevə etibar etməkdə yanılmadıq. O, bu tədbiri çox yüksək səviyyədə apararaq, yaddaqalan edə bildi...

2004-cü ildə “Tərəqqi” medalı ilə təltif edilib, 2014-ci ildən “Respublikanın Əməkdar artisti”dir. İnanıram ki, onun daha böyük uğurları hələ irəlidədir...

Bəli, martın 26-sı Əməkdar artist Rauf Ağakişiyevin 52 yaşı tamam olur. Onu bu münasibətlə təbrik edir, möhkəm san sağlığı, yaradıcılıq uğurları arzulayıram.

Çox yaşasın!

Hörmətlə, Elman Eldaroğlu