“Bayraq mənim namusumdur!” adlı sənədli filmin və eyni adlı kitabın təqdimatı

Azərbaycan Gənclər Fondunun dəstəyi ilə “Gəncliyə Dəstək” ictimai birliyi tərəfindən təşkilatımızın üzvü olmuş, Zərdab şəhidlərinin ən gənci olan, ictimai aktiv 21 yaşlı Məmmədzadə Anar Nazim oğlunun xatirəsinə həsr olunmuş Şəhid Anar Məmmədzadə: “Bayraq mənim namusumdur!” adlı sənədli filmin və eyni adlı kitabın təqdimatı keçirilmişdir. Təqdimat Zərdab rayon Heydər Əliyev Mərkəzində 150 nəfərin iştirakı ilə təşkil olunmuşdur.
Tədbirdə qonaq qismində Zərdab rayon İcra Hakimiyyətinin birinci müavini, RİH-nin nümayəndələri, digər yerli dövlət strukturlarının rəhbərləri, şəhid ailələri iştirak etmişlər.
Aparıcı Teyyub Xəlilov tədbiri açıq elan emişi və himn səsləndirilib. Şəhidlərimizin xatirəsi 1 dəqiqəlik sükutla yad edildi. 
Təşkilatın sədri Vəfa Xəlilli çıxış edərək layihənin icra müddəti haqqında məlumat verdi. Donora və dəstək göstərən bütün qurumlara öz təşəkkürünü bildirdi.
Filmin çəkilişinin yaradıcı heyət rəhbəri Vüsal Rəhimov filmin çəkilməsi haqqında danışdı.
Şəhid anar Məmmədzadənin atası Nazim Babaşov çıxış edərək əməyi keçənlərə öz təşəkkürünü bildirdi.
Zərdab rayon İcra Hakimiyyətinin birinci müavini Ramo Hacıyev şəhidlərimizə göstərilmiş diqqət və qayğıdan  danışaraq onlara Allahdan rəhmət, qazilərimizə can sağlığı dilədi. Eyni zamanda Gəncliyə Dəstək İB-nin uğurlu fəaliyyətindən danışaraq yüksək qiymətləndirdi və Azərbaycan Gənclər Fonduna öz təşəkkürünü bildirdi.
Sonra Şəhid Anar Məmmədzadə: “Bayraq mənim namusumdur!” adlı sənədli film təqdim edildi.
Qeyd edək ki, layihənin məqsədi ölkəmizin ərazi bütövlüyü, torpaqlarımızın işğaldan azad edilməsi uğrunda şücaət göstərən şəhidlərimizin tanıdılması məqsədilə Zərdabın ən gənc şəhidi, təşkilatımızın üzvü olan Anar Məmmədzadəyə həsr olunmuş "Bayraq mənim namusumdur!" adlı sənədli filminın çəkilməsidir.