Rimas Kurtinaytes yenidən Azərbaycanda

Tanınmış basketbol mütəxəssisi, olimpiya və Avropa çempionu, 2002-2006-cə illərdə məşqçilik karyerasını Azərbaycanda davam etdirmiş litvalı mütəxəssis Rimas Kurtinaytis 18 illik fsilədən sonra yenidən Odlar Diyarına dönüb. 63 yaşlı mütəxəssis Azərbaycanda ölkə çempionu adını daşıyan “Sabah” Baketbol Klubunun baş məşqçisi təyin olunub.

Klubun rəsmi saytından verilən məlumata görə, o, klubla 1.5 illik müqavilə imzalayıb. Avropa basketbol tarixinin ən yaxşı “shooter”lərindən hesab olunan Rimas Kurtinaytis oyunçu kimi sovetlər dönəminda “Jalgiris” (Litva), ÇSKA (Rusiya), “Real Madrid” (İspaniya) klublarının, eləcə da SSRİ yığmasının şərəfini qoruyub.

Rimas Kurtinaytis məşqçi karyerasında bir sıra uğurlara imza atıb, O, 3 dəfə Avropa Kubokunu qazanan yeganə məşqçi kimi adını tarixə yazdırıb. 2008/2009 mövsümündə “Letuvos Ritas” (Litva), 2011/2012 və 2014/2015 mövsümlərində isə “Ximki” (Rusiya) klubu ilə Avropa Kubokunun qalibi olub. Rimas Kurtinaytis 2010/2011 mövsümündə “Ximki” klubu ilə VTB Liqasının çempionu olub. Kurtinaytisin məşqçi kimi hesabında VTB Liqasında 100-dən çox qələbə var.

Litvalı basketbol mütəxəssisi 2002-2006-cı illər aralığında isə həm Azərbaycan millisinin, həm də Bakının “Qala” klubunun baş məşqçisi olub.

"Mən 18 ildən sonra yenidən Azərbaycana döndüm. Burada olduğum üçün bura ilə bağlı bilgilərim də var. Burada hadisələrin necə cərəyan etdiyi, bizim sıfırdan başlamağımız, hamısı yadımdadır. Biz o zaman liqa yaratdıq. Ardından isə milli komanda və İslamiadanı udduq. Yaxşı yadımdadır, biz İslamiadının yarımfinalında İran milisini udduq. Ondan bir neçə il sonra İran millisi hətta Oiimpiya Oyunlarında iştirak etdi. Açığı, o zaman yaratdığımız "Qala" klubunun aqibəti məni çox maraqlandırır. O ki, qaldı indi işləyəcəyim "Sabah" klubuna, onu deyə bilərəm ki, klubun maliyyə imkanları çox yaxşıdır. Litvada bu qədər legioner almağa hər klubun imkanı çatmaz" - Rimas Kurtinaytes belə deyib. 

İNTİQAM Məmmədov